Angjelkoviq: KFOR po mbron shqiptarët dhe policinë e Kosovës, EULEX nuk ekziston në aspektin e sigurisë

Ish-kryetari i Këshillit Ekzekutiv për Kosovë dhe Metohi, Zoran Angjelkoviq, ka thënë se EULEX nuk ekziston në Kosovë në aspektin e sigurisë, dhe se KFOR po mbron shqiptarët dhe policinë e Kosovës, raporton TV Pink.

Angjelkoviq shprehu ngushëllimet e tij për familjet e serbëve të vrarë që vdiqën në Banjska.

“Kur negociatat u transferuan në Bruksel, EULEX mori dy kompetenca, për drejtësi dhe siguri. Dhe në vend që të merreshin me sigurinë, më vonë ia kaluan përgjegjësinë të ashtuquajturës Policia e Kosovës”, tha Angjelkoviq, duke shtuar se KFOR-i mbron shqiptarët dhe policinë e Kosovës, jo sigurinë dhe popullin serb.

Angjelkoviq ka thënë se kryeministri i Kosovës Albin Kurti nuk e fsheh se dëshiron një Kosovë etnikisht të pastër. Ai ka theksuar se situata në Kosovë është në rrugë të përshkallëzimit dhe ka rikujtuar provokimet e muajve të kaluar, të cilat, sipas tij, nuk kanë qenë të rastësishme.

Angjelkoviq kujtoi ngjarjen në Shtërbc kur të rinjtë serbë u plagosën.

“Megjithatë, problemi është se njeriu që ka qëlluar, i cili është pjesëtar i të ashtuquajturit i Ushtrisë së Kosovës, ishte liruar për t'u mbrojtur pas vetëm disa ditësh paraburgim. “Le të kujtojmë edhe hedhjen e bombave në Ranilugë në shtëpitë e tre përfaqësuesve të komunitetit serb në një qytet”, tha Angjelkoviq.

Ai foli edhe për keqtrajtimin e fëmijëve në afërsi të Zubin Potokut, derisa ata ngasin biçikleta me kuadrate.

“Kemi edhe arrestime dhe ndalime të shumta të njerëzve pa asnjë proces. Për të mos folur për zgjedhjet e parregullta në veri, ku sjellin rregull me tyta të gjatë”, tha Andjelkovic.