Berisha: Kurti po tenton me ligje të ndërhyjë në punët e brendshme të Serbisë

Me miratimin e ligjit sipas të cilit vetëm shqiptarët nga Medvegja, Bujanoci dhe Presheva kanë të drejtën e nënshtetësisë së Kosovës dhe blerjes së pronës në Kosovë, qeveria e Kosovës qartazi po përpiqet të ndërhyjë në punët e brendshme të Serbisë dhe disi të bëjë një paralele mes veriut të Kosovës dhe Preshevës, Medvegjës dhe Bujanocit, ka thënë kryetari i Amzës shqiptare në Serbi Demo Berisha për Kosovo online.

“Është një tjetër në serinë e aktiviteteve të qeverisë së Albin Kurtit, me të cilën ai po tenton të ndërhyjë drejtpërdrejt në punët e brendshme të Serbisë, sepse duke veçuar vetëm një grup, konkretisht shqiptarët nga treva e komunave të ‘Luginës së Preshevës’ ka ndikim të drejtpërdrejtë dhe dezorientim të qytetarëve, në çdo rast përbën diskriminim, sepse është e pamundsëuar që dikush nga komunat e Serbinë qendrore të blejë tokë apo të marrë nënshtetësinë”, tha Berisha.

Është e njohur, thekson ai, se në vitin 1999 një numër i caktuar i qytetarëve të zonës së atyre komunave kanë mbetur me banim në Kosovë dhe deri në këtë moment nuk kanë mundur të zgjidhin çështjet e vendbanimit apo punësimit, por kanë qenë në një status të parregulluar. Në njërën anë jetonin në Kosovë, ndërsa në anën tjetër përdornin dokumente nga Serbia qendrore, letërnjoftime, pasaporta dhe dokumente të tjera, sqaron Berisha.

“Me këto vendime Albin Kurti dëshiron të ketë ndikim të drejtpërdrejtë në pjesën e popullatës që jeton në këto tri komuna për të krijuar për vete një paralele mes veriut dhe ‘luginës së Preshevës’ për të shkaktuar incidente dhe për të krijuar pakënaqësi te qytetarët”, paralajmëron kryetari I Amzës shqiptare në Serbi.

Megjithatë, tregon se Albin Kurti harron një nga problemet kryesore të brendshme të Kosovës, që është se në vend që të blejë tokë, komuniteti shqiptar po largohet nga Kosova në kërkim të një jete më të mirë.

“Bëhet e ditur se nga data 1 deri më 15, sipas të dhënave të Policisë së Kosovës, nga Kosova janë larguar më shumë se 650 mijë qytetarë nga territori i Kosovës me nacionalitet kryesisht shqiptarë. Tashmë është informacion publik se 600 arsimtarë kanë lajmëruar largimin e tyre duke marrë leje pa pagesë”, shton Berisha.

Sipas tij, Kurti po tenton të shkaktojë trazira në Serbi dhe në këtë po e ndihmon edhe përfaqësuesi i shqiptarëve nga jugu i Serbisë, Shaip Kamberi.

“E shohim se çfarë po bën me Shaip Kamberin dhe partitë rreth tij – hapi Zyrën e Këshillit Kombëtar të Bashkësisë Kombëtare Shqiptare në Novi Pazar, mori pjesë drejtpërdrejt me ekipin e tij dhe në bashkëpunim me Sulejman Ugljanin po përpiqet edhe për të arritur një numër të caktuar të votuesve, duke tentuar të krijojë destabilizimin e pjesës qendrore të Serbisë, por besoj se qytetarët e Serbisë do ta kuptojnë se çfarë loje po bëjnë Albin Kurti dhe zëdhënësi i tij Shaip Kamberi”, tha Berisha.

Ai konsideron se Albina Kurtin e shqetëson edhe fakti se, pavarësisht nga të gjitha presionet, komuniteti serb tregon unitet dhe hapje ndaj proceseve demokratike, gjë që, thekson, se është dëshmuar me mbledhjen e nënshkrimeve për shkarkimin e kryetarëve të katër komunave në veri të Kosovës.

"Me mbledhjen e nënshkrimeve, komuniteti serb tregoi disiplinë dhe demokraci në atë që mblodhi nënshkrime në një kohë të shkurtër. Ata nuk shkuan në trazira. Stabiliteti i komunitetit serb e shqetëson. Me këto ligje ai po mundohet të krijojë hapësirë për të manovruar dhe për të ushtruar presion të lehtë. Ai përdor të gjitha metodat që mund t'i mendojë thjesht për të larguar komunitetin serb nga Kosova", tha Berisha.

Mirëpo, siç thotë ai, as në këtë rast nuk do të reagojë bashkësia ndërkombëtare, ashtu siç nuk reagon kur bëhet fjalë për tema të tjera.

"Komuniteti ndërkombëtar edhe një herë do të komentojë butësisht ose aspak si bën thirrje për vetëpërmbajtje, se duhet pritur derisa të vazhdojë dialogu. Kjo i mundëson atij të realizojë lehtësisht projektin e tij për pastrimin e Kosovës nga serbët përmes një lumi paqësor", theksoi ai. .

Berisha thekson se miratimi i blerjes së tokave në Kosovë vetëm për shqiptarët, presioni ndaj serbëve dhe ndërhyrja në punët e brendshme të vendeve fqinje, janë pjesë e qëllimit përfundimtar të Albin Kurtit – krijimi i një “Shqipërie të madhe”.

“Ne patëm rastin të shohim se kur u zgjodh kryeministri i ri në Maqedoninë e Veriut, Talat Xhaferi. Deklarata e Ali Ahmetit për këtë temë ishte se ëndrra e shqiptarëve në Maqedoninë e Veriut tashmë është realizuar dhe se tani duhet të punohet në heqja e kufijve mes Maqedonisë dhe Shqipërisë e Kosovës, që tregon se i përshtatet planit të Albin Kurtit për të krijuar një Shqipëri të madhe”, përfundoi Berisha.