Bernaka me përfaqësuesit e Listës Serbe: Kfor-i është në pozitë të mirë për t'u marrë me të gjitha zhvillimet relevante të sigurisë

Zëvendëskomandanti i misionit të KFOR-it, gjenerali Federiko Bernaka, ka pritur sot delegacionin e Listës Serbe dhe ka dëgjuar shqetësimet për zhvillimet e fundit në veri, duke thënë se misioni ka një prani të dukshme dhe fleksibile në mbarë Kosovën, dhe se është në pozitë të mirë për t'u marrë me të gjitha zhvillimet relevante të sigurisë, është bërë e ditur nga KFOR-i.

“Ata ndanë pikëpamjet e tyre për zhvillimet e fundit të sigurisë, duke përfshirë edhe veriun e Kosovës. Gjeneral Bernaka dëgjoi shqetësimet e shprehura nga delegacioni vizitues. Ai theksoi se KFOR-i ka një prani të dukshme dhe fleksibël në mbarë Kosovën dhe se është i pozicionuar mirë për t'u marrë me të gjitha zhvillimet relevante të sigurisë”, thuhet në deklaratë.

Gjenerali Bernako, duhet theksuar, ritheksoi përkushtimin e vendosur të këtij misioni për të kontribuar në sigurinë dhe stabilitetin për të gjithë njerëzit që jetojnë në Kosovë, në çdo kohë dhe në mënyrë të paanshme, në përputhje me mandatin e saj të gjatë në OKB.

“Në këtë drejtim, Kfor-i vazhdon të mbështesë plotësisht dialogun ndërmjet Beogradit dhe Prishtinës me ndërmjetësimin e BE-së”, thuhet në njoftim.

Biseda është zhvilluar në selinë e KFOR-it në kampin e qytetit të filmit në Prishtinë, ndërsa delegacioni i Listës Serbe udhëhiqej nga kryetari i kësaj partie, Zllatan Ellek.