Bjegoviq: Për mesazhin e Kurtit se Policia e Kosovës është vazhdimësi e UÇK-së, duhet të reagojnë KFOR-i dhe EULEX-i

Eksperti i sigurisë, Miroslav Bjegoviq, paralajmëron se duke pranuar publikisht se policia e Kosovës është krijuar në bazë të UÇK-së, kryeministri i Kosovës Aljbin Kurti dëshiron t'u dërgojë mesazh dhe kërcënim serbëve se do të jenë sërish cak i terrorizmit dhe se duhet të largohen nga vatrat e tyre sepse jeta e tyre është drejtpërdrejt e kërcënuar, shkruan Kurir.

Bjegoviq thotë se institucionet evropiane të sigurisë duhet të reagojnë ndaj deklaratës së Kurtit dhe të ndërmarrin aktivitete të caktuara, në radhë të parë EULEX-i dhe KFOR-i, të cilët janë përgjegjës për sigurinë e serbëve në Kosovë sipas Rezolutës 1244 të Këshillit të Sigurimit të OKB-së.

“Dhe nëse nuk mund ta bëjnë këtë, le ta informojnë Serbinë për këtë, e cila pa mëdyshje do ta kryejë detyrën e saj. Nuk është rastësi që presidenti i Serbisë, Aleksandar Vuçiq, kërkoi një seancë të posaçme të Këshillit të Sigurimit të OKB-së për të paralajmëruar skenarin që Kurti po përgatit me ndihmën, për fat të keq, të disa vendeve të shërbimeve të inteligjencës të Kuintit. Është interesant që as BE-ja nuk reagon ndaj kërcënimeve zyrtare terroriste dhe pranimit se organizata të tilla të rregullta ekzistojnë në zemër të Evropës." thekson Bjegoviq.

Nemanja Zavishiq nga Qendra për stabilitet shoqror thotë se deklaratat e tilla tregojnë se planet strategjike të politikanëve shqiptarë nga Kosova kanë qenë të njëjta me dekada, pavarësisht se kush është në pushtet.

"Të gjithë kanë të njëjtin qëllim, një Kosovë etnikisht të pastër, d.m.th. të fshijnë emrin, mbiemrin dhe gjurmët e ekzistencës serbe në zonën e krahinës sonë jugore. Dhe gjithçka që po bëjnë, në fakt e bëjnë për këtë qëllim. Të gjitha sulmet ndaj Kisha Ortodokse Serbe si themel i identitetit tonë, të gjitha arrestimet arbitrare pa asnjë provë dhe me aktakuza të fshehta, ndalimi i automjeteve mjekësore me ilaçe, vendosja e taksave për produktet ushqimore nga Serbia qendrore, të gjitha këto synojnë pikërisht të bëjnë edhe jetën normale të pamundur për serbët dhe duke i detyruar bashkatdhetarët tanë të emigrojnë nga vatrat e tyre shekullore. "Ashtu siç bënë regjimet ustashe të viteve 1940 dhe 1990, Kurti po përpiqet ta bëjë sot. Ëndrra e tij është të arrestojë gjysmën e serbëve dhe gjysmën tjetër të përndijek, dhe kjo është pikërisht ajo që tregon deklarata e fundit”, beson Zavishiq.

Ai gjithashtu thekson se përgjegjësinë më të madhe e kanë vendet e Kuintit, nga të cilat varet nëse do të ketë një luftë të re në Kosovë, të cilën Kurti e dëshiron aq shumë.

"Fatkeqësisht, nga ana e komunitetit politik ndërkombëtar, ne ende nuk shohim një vendosmëri të fortë për të kaluar nga fjalët në veprime, për të ndergjegjsuar Kurtin dhe për të siguruar paqen dhe sigurinë në krahinë. Është e rëndësishme që serbët t'i besojnë vendit të tyre, që të jemi të bashkuar dhe të durueshëm. Ligji dhe drejtësia janë në anën tonë, dhe udhëheqja shtetërore po lufton në çdo mënyrë për të mbrojtur interesat serbe në Kosovë dhe Metohi”, shpjegon Zavishiq.