Daçiq: Jemi në gatishmëri, do të mbrojmë njerëzit tanë

Sekretari i Përgjithshëm i Këshillit të Sigurisë Kombëtare, Ivica Daçiq, i ftuar në një emision special të RTS-it, tha se presidenti Aleksandar Vuçiq ka urdhëruar që të ngrihet niveli i gatishmërisë luftarake, jo sepse Serbia po përgatitet të ndërhyjë, por të jetë gati për të gjitha skenarët.

"Ne me siguri do të mbrojmë popullin tonë, shpresojmë që (nevoja për ndërhyrje ushtarake) nuk do të ndodhë", tha Daçiq.

Daçiq, duke komentuar përshkallëzimin e fundit të tensioneve në veri të Kosovës dhe hyrjen me forcë të njësive speciale të Policisë së Kosovës në objektet e komunës së Leposaviqit, Zveçanit dhe Zubin Potokut, tha se kjo është ndoshta një nga situatat më të rrezikshme.

“Ata sulmojnë atë që është baza e mbijetesës së popullit serb në veri të Kosovës e Metohisë, që është pushteti lokal që duhet ta mbajmë. Këtu nuk ka popullsi të përzier, që mund të thuash se atje ka shqiptarë. Trembëdhjetë serbë votuan në të ashtuquajturën zgjedhjet. Tani keni disa asamblistët të rinj dhe kryetarë komunash, dhe që në fillim kemi thënë se kjo lëvizje mund të shkaktojë konflikte të mëdha dhe e kemi paralajmëruar bashkësinë ndërkombëtare”, tha Daçiq.

Siç theksoi ai, bashkësia ndërkombëtare e bindi Beogradin për të kundërtën.

“Kur ndodh diçka e tillë, thonë se nuk kanë mundur të bëjnë asgjë tjetër, ai është i çmendur, është ekstremist dhe kjo është një realitet i ri që askush nuk po e rregullon, por thonë “hajde të vazhdojmë”, tha Daçiq.

Ai beson se vetëm falë maturisë së serbëve nuk ka ndodhur asnjë incident i madh dhe se tani serbët presin që bashkësia ndërkombëtare të përmbushë pjesën e saj të punës – që është eliminimi i efekteve negative të veprimeve të tilla.

Ai tregon se Albin Kurti vazhdimisht po merret me krijimin e krizave, se pozita e popullit po bëhet gjithnjë e më e keqe.

“Ne nuk jemi për konflikte, ne jemi për zgjidhje paqësore të të gjitha çështjeve, por të gjithë duhet ta dinë se e gjithë Serbia qëndron prapa popullit tonë në Kosovë e Metohi, prandaj Vuçiq ka urdhëruar ngritjen e nivelit të gatishmërisë luftarake, jo sepse po përgatitemi të ndërhyjmë, por të jemi gati për të gjitha skenarët”, tha Daçiq.

“Ne sigurisht që do të mbrojmë njerëzit tanë, shpresojmë që të mos arrihet deri këtu”, tha Daçiq.