Demhasaj: Von der Lejen në mandatin e saj të dytë mund të arrijë përfundimin e dialogut mes Beogradit dhe Prishtinës

Analisti politik Arton Demhasaj thotë për Kosovo online se Ursula Von der Lejen, së cilës duhet t'i jepet mandati i dytë në krye të Komisionit Evropian, e di procesin e dialogut ndërmjet Serbisë dhe Kosovës dhe se në mandatin e saj të dytë mund të arrijë përfundimin e dialogut.

“Kjo do të thotë për Kosovën që nuk ka më nevojë të harxhojë energji në dialogun me Serbinë, por të merret me problemet e brendshme që ka, që kanë të bëjnë me arsimin, shëndetin dhe të ngjashme. Besoj se ky do të jetë shansi i fundit për BE-ja të tregojë se dialogu ndërmjet Kosovës dhe Serbisë duhet të përfundojë sa më shpejt që të dy vendet të shkojnë drejt BE-së”, thotë Demhasaj.

Sipas mendimit të tij, dialogu duhet të përfundojë me njohje reciproke, dhe për t'u anëtarësuar në Union, Serbia dhe Kosova, shton ai, duhet t'i përmbushin kushtet e përcaktuara me marrëveshjet që kanë me BE-në.

“Nëse Kosova dhe Serbia nuk janë në BE, as Ballkani dhe as BE-ja nuk do të jenë paqësore. BE-ja aktualisht është në një fazë ku refuzon të zgjerohet për shkak të krizës së brendshme dhe mendoj se mandatarët e rinj në Komisionin Europian duhet të jenë të qartë ndaj Ballkanit Perëndimor sa i përket politikës së jashtme ndaj tij, në kuptimin që ai duhet të bëhet pjesë e BE-së, por së pari duhet të përmbushë kushtet e vendosura nga BE-ja për anëtarësim”, thotë Demhasaj.