Diaspora serbe në Nju Jork theksoi pozitën e vështirë të serbëve në Kosovë: Ndaloni Kurtin

Përfaqësuesit e diasporës serbe në Nju Jork, me rastin e fillimit të Asamblesë së Përgjithshme të Kombeve të Bashkuara, organizuan një aksion, qëllimi i të cilit është t'u tregojë të gjithë qytetarëve, por edhe zyrtarëve të huaj që po qëndrojnë në atë qytet këtë javë, pozitën e vështirë të serbëve në Kosovë.

Kështu sot tre kamionë do të lëvizin nëpër Mëneatën dhe nëpër Tajms Skver dhe do të transmetojnë një video që së bashku me skenat tronditëse, tregon gjendjen e vështirë në të cilën ndodhet populli serb.

Së bashku me pamjet e inkursionit të forcave speciale të Kosovës me armë tytëgjata në veri, në video theksohet se qëllimi i kryeministrit të Kosovës Albin Kurti është që të dëbojë të gjithë serbët nga Kosova.

Kujtohet vendosja e taksave prej 100 për qind për mallrat serbe, si dhe trajtimi i paligjshëm dhe johuman ndaj serbëve

Në video shihet edhe një djalë serb i plagosur, i frikësuar, pasi qëllohet nga një ish-pjesëtar i UÇK-së në ditën para Krishtlindjeve.

Shkatërrimi i historisë shekullore serbe, manastireve dhe monumenteve ortodokse nga viti 2004 është pjesë e skenës së tmerrshme.

Gjithashtu theksohet se në Kosovë serbët arrestohen arbitrarisht, prej të cilëve si të burgosur politikë janë më shumë se 80, dhe po ashtu kujtohet se policia e Kosovës së fundmi ka rrahur dhe arrestuar brutalisht të rinj serbë.

Në këtë mënyrë, serbët nga SHBA-të duan të paralajmërojnë se bashkëkombësit e tyre në Kosovë vazhdojnë të vuajnë presione, ndërsa të gjitha të drejtat e tyre të njeriut iu shkelen përkundër Marrëveshjes së Brukselit, madje edhe atyre u pengohet hyrja në Kosovë ilegalisht.

“Ndaloni Albin Kurtin. Që fëmijët serbë jetojnë lirisht”, është mesazhi që përfundon videon që ilustron përditshmërinë e zymtë të serbëve në Kosovë.

Njëri nga organizatorët e këtij aksioni, Aleks Mitroviq, tha se më e pakta që mund të bënin ishte t'i kujtonin qytetarët në këtë mënyrë - diplomatike, por "civile", por edhe të gjithë zyrtarët ndërkombëtarë që janë në Kombet e Bashkuara, për siç tha ai, ngjarjet kriminale në Kosovë.

“Dëshmitë e përkatësisë, së bashku me statusin origjinal administrativ dhe gjeografik të Kosovës dhe Metohisë, janë të përcaktuara qartë, të regjistruara dhe të vërtetuara në mënyrë të vendosur. Jo vetëm me Kushtetutën e Serbisë, por edhe përmes dokumentacionit zyrtar të vendeve fqinje që datojnë në shekullin e 13-të. Kosova është zemra e Serbisë”, ka thënë Mitroviq.

Ai përkujtoi se ky nuk është aksioni i parë i ngjashëm i organizuar nga diaspora serbe, me mbështetjen e disa sipërmarrësve privatë në SHBA.

“Kjo nuk është asgjë e re, ne vetëm morëm kamionë për t'i kujtuar të gjithëve që erdhën në Nju Jork këtë javë situatën në të cilën ndodhen serbët, dhe për t'u treguar atyre se nuk jemi dorëzuar dhe se do të vazhdojmë të insistojmë në drejtësi dhe të vërtetë”, ka shtuar Mitroviq.