Dimitrijeviq: Politika e jashtme dhe tema e Kosovës nuk do të jenë në fokus të kryeministrit të ri francez

Kryetari i Federatës së Serbëve të Rinj të Evropës, Nemanja Dimitrijeviq, thotë se politika e jashtme dhe tema e Kosovës nuk do të jenë në fokus të kryeministrit të ri francez, Mishel Barnier.

Dimitrijeviq thekson se gjatë vizitës së fundit të presidentit francez Emanuel Makron në Serbi para disa ditësh është diskutuar për Kosovën, ku theksoi se Franca dëshiron të normalizojë marrëdhëniet ndërmjet Beogradit dhe Prishtinës, dëshiron formimin e BKS-së, por, siç vlerëson ai, kur bëhet fjalë për Kryeministrin dhe Ministrinë e Jashtme, fokusi është më i madh tek politika e brendshme e Francës, sepse ka shumë çështje sociale dhe ekonomike.

“Çështja e Kosovës dhe Serbisë u shtri edhe gjatë zgjedhjeve evropiane, kur partia Tubimi Kombëtar i Marine Le Pen mori një rekord prej 30 për qind të votave, dhe la shumë pas partitë e Makronit dhe partitë e majtës. Ne e dimë se ka disa serbë që janë në partinë e saj, por do të shohim kur të shpallet e gjithë Qeveria dhe të gjitha ministritë, nëse ndonjë anëtar i Tubimit kombëtar do të jetë në Qeveri, por mendoj se Serbia për Kosovën, duhet pritur, sepse Tubimi Kombëtar ende nuk ka fituar shumicën për Kuvend”, thotë Dimitrijeviq.

Dimitrijeviq thekson se zgjedhja e kryeministrit të ri ka rezultuar në një kompromis me të cilin askush nuk është i kënaqur.

“Në moshën 73-vjeçare, Barnier është një republikan me shumë përvojë, është një krah i moderuar i djathtë në Francë, ka qenë deputet nga 1978-1983, deputet i Parlamentit Evropian, senator, ministër i bujqësisë dhe sekretar në ministrinë e jashtme dhe evropiane, ai ishte anëtar i qeverisë së Zhak Shirakut dhe Sarkozit. Funksionet më të rëndësishme që ka kryer janë se ka qenë Komisioner Evropian për dy mandate dhe gjatë krizës ekonomike botërore në vitin 2008 ka mbajtur poste të rëndësishme, ka punuar në Bankën Evropiane, ka qenë anëtar i delegacionit të BE-së gjatë dialogut me Britaninë e Madhe për Brexit-in. Ai është një politikan me shumë përvojë që e ka nisur karrierën në moshën 20-vjeçare dhe mendoj se Mari Le Pen nuk ka aq shumë ndikim, fatkeqësisht 11 milionë votues, siç thotë ajo, do të privohen nga ndikimi i drejtpërdrejtë i partisë së saj gjatë mandatin e tij. Askush nuk është i kënaqur, as Marine Le Pen, as Fronti i Ri Popullor, pra koalicioni i mbledhur nga ana e majtë e spektrit politik, dhe Tubimi Kombëtar mendon se nuk do të përmbushë pritshmëritë e votuesve të saj”, shton ai.