Drecun: Europianët tani ndihen për t’iu referuar së drejtës ndërkombëtare, por është vonë.

Kryetari i Komisionit për Mbrojtje dhe Punët e Brendshme në Kuvendin e Sërbisë Millovan Drecun ka konstatuar se shtetet që njohën pavarësinë e Kosovës, tashmë bëjnë thirrje për respektimin e të drejtës ndërkombëtare për çështjen e Grenlandës, ndërsa njëkohësisht fuqitë e mëdha insistojnë në atë që Beogradi të njohë pavarësinë kosovare, transmeton RTV.

Drecun për Tanjug tha se fuqitë e mëdha të botës përherë tentojnë të justifikojnë veten, kështu që tani kërkojnë që të respektohet e drejta ndërkombëtare në Ukrainë, si dhe në Groenlandë, ndërsa për rastin e Kosovës-thonë se këto nuk janë të njëjtat raste.

"Çfarë mendoni, a mundet që në seancat e Këshillit të Sigurimit të KB kur në rend të ditës të jetë raporti i radhës mbi situatën në Kosovë e Metohi, dy anëtarët e përhershëm perëndimorë, nëse përjashtojmë SHBA, do të kenë vetëm fjalë kritike? Pra, të thonë-'o njerëz, shikoni situatën rreth Groenlandës, shikoni Ukrainën, sepse gabuam, shkelëm të drejtën ndërkombëtare'. Epo, sigurisht që jo", tha Drecun.

Ky i fundit theksoi se fuqitë e mëdha insistojnë në atë që Kosova duhet të jetë shtet dhe kërkojnë që Beogradi të njohë pavarësinë dhe të lajnë duart nga përgjegjësia "duke njohur shtetin fals që krijuan në shkelje të së drejtës ndërkombëtare".

"Dhe ata nuk do të heqin dorë nga kjo dhe paralelisht do të flasim rreth kësaj se duhet të respektohet e drejta ndërkombëtare në Groenlandë", tha Drecun.

Sipas fjalëve të tij, europianët u kujtuan t’i referoheshin të drejtës ndërkombëtare, por tani është vonë.

"Bota tashmë është e ndarë qartë tek ata që mbështesin idenë se e drejta ndërkombëtare duhet të jetë në krye të axhendës globale, se vetëm kombet janë në krye të gjithçkaje, se duhet të respektohet Karta e KB. Këto tashmë janë karta të ndara. Ne duhet të kërkojmë mbështetjen e atyre vendeve, të cilat konsiderojnë se e drejta ndërkombëtare duhet të respektohet dhe prej atyre që na bombarduan dhe që tani ankohen se Tramp do të shkelë të drejtën ndërkombëtare, këtu nuk mund të presim ndryshim qëndrimi. Atëherë ne vetë do të vendosnim rripin në qafën e dënimit politik dhe të pranojnë se kanë kryer krim" thotë Drecun.

Ky i fundit thekson se përsa i përket presidentit amerikan Donald Tramp, nuk ka aspak pengesë kur diskutohet e drejta ndërkombëtare.

“Çështja është vetëm mënyra e realizimit. Duhet t’a dini se cili është interesi i Trampit, pra i SHBA që të marri Grenlandën. Kjo e fundit ka domethënie strategjike gjeopolitike për sigurinë kombëtare të SHBA. Dhe kur shtohen interesat ekonomike për shkak të depozitave të mëdha të metaleve të rralla të tokës, atëherë shtohen lëndët djegëse fosile, gazi dhe nafta, të cilat gradualisht po hapen për shfrytëzim. Megjithatë dhe kjo domethënie e rëndësisë ushtarake të Groenlandës është e madhe”, tha Drecun.

Shtoi se Groenlanda nuk është “veçse fiksim” i Donald Trampit, por është interes strategjik i SHBA.

“Europianët reaguan në mënyrën duke i’u referuar ligjit ndërkombëtar, se paralajmërojnë se kjo mund të jetë madje dhe fundi i NATO. Madje dhe disa shprehin gatishmërinë për t'u konfliktuar me amerikanët nëse ata përpiqen të marrin kontrollin e Groenlandës, megjithëse ata tashmë tentojnë që të pushtojnë ushtarakisht Groenlandën ndonëse ata kanë bazën e tyre ndërsa 56 mijë banorët e Groenlandës në atë sipërfaqe të madhe, nuk është problem vendosja e kontrollit ushtarak” ka thënë Drecun.