Drecun: Retorika antiserbe e Kurtit nxit dhunën ndaj serbëve

Retorika e fortë antiserbe e Albin Kurtit dhe zyrtarëve të tjerë në Prishtinë, sigurisht që nuk i dekurajon njerëzit e dhunshëm, por i nxit ata në dhunë kundër popullit serb, tha Millovan Drecun, kryetar i Komisionit Parlamentar për Kosovën, transmeton RTS.

Ai gjithashtu vlerësoi se do të kishte pasur më pak sulme të motivuara etnikisht nëse do të ishte formuar BKS-në. Drecun theksoi se i takon Presidentit Vuçiq "të inicojë kërkimin e rrugës sonë në zgjidhjen e problemit të Kosovës e Metohisë".

Drecun tha se Prishtina nuk respekton gjithçka që është dakorduar dhe se tani po i bëhet presion nga shtetet perëndimore për të realizuar Bashkimin e Komunave Serbe.

“Nga ana jonë u tha qartë se pa Bashkësinë e Komunave Serbe nuk ka kthim të përfaqësuesve politikë serbë në institucionet e përkohshme të vetëqeverisjes dhe se nuk ka vazhdim të dialogut nëse Bashkësia nuk realizohet," tha Drecun.

Ai vlerësoi se amerikanët janë ndoshta më këmbëngulësit në përpjekjet për themelimin e BKS-së dhe shtoi se propozimi për statutin e Bashkësisë qëndron prej vitesh në sirtarin e Mirosllav Lajçakut dhe se i takon atij ta vendosë në rend dite në një nga takimet e delegacioneve të Beogradit dhe Prishtinës.

"Kurti me këmbëngulje flet për të drejtat e serbëve në vend të Bashkësisë. Prandaj nuk do ta përmend as Bashkësinë e komunave serbe. Gjithashtu, ky propozim evropian nuk flet për Bashkësinë e komunave serbe, por flet për një vetëqeverisje për popullin serb, thonë për komunitetin serb në Kosovë e Metohi”, ka thënë Drecun.

Ai shtoi se tani mbetet pyetja se si do të sillet Prishtina.

“Ka mundësi që Kurti ta refuzojë deri në fund formimin e BKS-së dhe të shkojë në zgjedhje të parakohshme për të qëndruar konsistent me premtimet që ka bërë, por kyçi është Bashkësia edhe Mirosllav Lajçak tha se për ta BKS është kyç për stabilitetin në Kosovë e Metohi dhe se Bashkësia ishte themeluar sigurisht që do të kishim një numër shumë më të vogël të sulmeve të motivuara etnikisht ndaj serbëve, ndaj pronave të tyre, ndaj Kishës Ortodokse Serbe”, tha Drecun.

Duke folur për sulmin e djeshëm ndaj një 15-vjeçari në Suhodoll, Drecun tha se Prishtina po e toleron dhe me këtë po inkurajon sulmet ndaj popullit serb.

“Nëse policia nuk reagon në mënyrën e duhur ndaj atyre që shkaktojnë dhunë, nëse prokuroria nuk reagon siç duhet, nëse gjyqësori nuk reagon, nëse dënimet janë të lehta ose nuk dënohen fare, atëherë ky është rezultat i politikës së ndjekur nga Prishtina, ajo retorikë e fortë antiserbe e Albin Kurtit dhe zyrtarëve të tjerë në institucionet e përkohshme të vetëqeverisjes, sigurisht që nuk i dekurajon njerëzit e dhunshëm, por i nxit në dhunë ndaj popullit serb”, theksoi Millovan Drecun.

Drecun thotë se Presidenti Vuçiq mori mbështetje të madhe nga qytetarët në zgjedhjet e fundit dhe se ai ka fuqinë më të madhe politike në Serbi.

“Detyra e tij është të përballet me problemet, t'i zgjidhë ato në marrëveshje me subjektet e tjera politike, me pushtetin ekzekutiv, me parlamentin dhe i takon atij të iniciojë dhe mendoj se ai edhe tha këtë pas takimit me pesëshën, që do të konsultohet me të gjithë aktorët kryesorë të skenës sonë politike. I takon atij që të fillojë kërkimin e rrugës sonë për zgjidhjen e problemit të Kosovës e Metohisë”, tha Drecun.

Ai vuri në dukje se ka pasur mjaft tension në opinion dhe shtoi se propozimi franko-gjerman është vetëm një bazë për diskutim dhe se duhet të bisedohet, por edhe se ka frikë se “do të biem përsëri pre e disa keqkuptimeve tona që tashmë janë bërë tragjike”.