Euleks: Vizituam të ndaluarit sërbë-M. M. dhe D. O. shfaqën shenja të lëndimeve

Shfaqja e pamjeve të personave të privuar nga liria, është shkelje e të drejtave të tyre, për më tepër nuk shikojmë arsyetim për vendosjen në kokat e tyre të objekteve të tilla si kapuçat në kokat e personave të privuar nga liria, deklaron EULEX për Kosova Onlajn lidhur me videon e publikuar në rrjetet sociale momentin kur merrej në pyetje Nenad Orlloviq disa ditë më parë ku forcat speciale kosovare e mbanin me pranga dhe me kapuç në kokë.

Siç bën të ditur EULEKS në përputhje me mandatin e vet, misioni po monitoron seancat dëgjimore në paraburgim përfshirë edhe seancën e së shtunës për të paraburgosurin N.O.

“Pas seancës dhe në përputhje me praktikën e krijuar, vëzhguesi i misionit ka folur edhe me avokatin e N.O. lidhur me trajtimin e tij nga autoritetet kosovare. Përveç seancës së dëshmive në paraburgim, eksperti i EULEKS sot ka vizituar edhe N.O.. Misioni gjithashtu është në kontakt edhe me Inspektoratin Policor të Kosovës lidhur me këtë rast. Do të vazhdojmë të ndjekim me kujdes dhe të raportojmë rreth këtij rasti si pjesë e monitorimit tonë të fuqishëm të subjekteve të përzgjedhura që mbulojnë të gjithë zinxhirin e drejtësisë penale, përfshirë 109 raste që janë pjesë sërbët e Kosovës, apo kush mund të ndikojnë në raportet mes komuniteteve. Kjo është në përputhje me misionin e përgjithshëm të EULEKS për të mbështetur institucionet e përzgjedhura të sundimit të ligjit në Kosovë në rrugën e tyre drejt rritjes së efikasitetit, qëndrueshmërisë, multietnicitetit dhe përgjegjësisë, pa ndërhyrje politike dhe në përputhje me standardet ndërkombëtare të të drejtave të njeriut dhe me praktikat më të mira europiane” thuhet në përgjigjen me shkrim të EULEX për portalin tonë.

Pyetjes sesi e komenton raportin e oficerit ndërlidhës Dejan Paviçeviq për lëndimet fizike që u janë shkaktuar sërbëve të arrestuar nga ana e policisë kosovare, EULEKS është përgjigjur se “kushdo që dyshohet se ka kryer vepër penale, ka të drejtë të konsiderohet i pafajshëm. për gjykim të drejtë dhe të mos i nënshtrohet çfarëdolloj forme abuzimi”.

“Kosova ka kornizë solide ligjore dhe institucionale që siguron respektimin, mbrojtjen dhe përmbushjen e të drejtave të njeriut dhe presim që autoritetet t'i përmbahen kësaj. Përsa i përket rasteve konkrete që përmendët, konfirmojmë se po i ndjekim nga afër të gjitha, në përputhje me mandatin tonë që parashikon monitorim të fortë të rasteve të përzgjedhura që mbulojnë të gjithë zinxhirin e drejtësisë penale. Në përputhje me këtë mandat të fortë mbikëqyrës, stafi i EULEKS gjithashtu ka biseduar me avokatët e të paraburgosurve lidhur me trajtimin e tyre prej autoriteteve kosovare. Avokatët e kanë njoftuar EULEKS për shqetësimet e tyre”, theksohet në përgjigje dhe shtohet.

“Duke pasur parasysh prezencën e rregullt dhe mobile të ekspertëve korrektues të EULEKS në të gjitha njësitë e ri-edukimit, ekspertët e EULEKS kanë vizituar edhe të paraburgosurit M.M., D.O. dhe R.P., me qëllim monitorimin e kushteve të paraburgimit të tyre. Asnjëri prej tyre nuk ka pasur ankesa për kushtet e paraburgimit dhe trajtimit nga personeli i burgut. Në kohën e takimeve, të paraburgosurit M.M. dhe D.O. kanë shfaqur shenja të lëndimeve. EULEKS është informuar se lëndimet e tyre janë evidentuar nga personeli mjekësor gjatë pranimit, në përputhje me procedurat përkatëse dhe se ato ishin të përshkruara. Përveç këtyre rasteve, Misioni po monitoron nga afër edhe 109 raste që kanë lidhje me sërbët e Kosovës, ose që mund të ndikojnë në raportet mes komuniteteve përmes Njësisë së tyre për mbikqyrjen e rasteve. Kjo mbikqyrje përfshin individë në paraburgim, si dhe raste që kanë të bëjnë me rastin e krizës së targave të vitit 2022, shpronësimin e vazhdueshëm të tokës publike dhe private në veri të Kosovës, si dhe raste që kanë të bëjnë me shpërthimin e fundit të dhunës në veri të Kosovës”.

Nga EULEKS thuhet se rezultatet e aktiviteteve mbikëqyrëse të EULEKS përfshihen në raportet e rregullta, të cilat pranohen nga disa zyrtarë të BE.

"Raportet e Misionit përfshijnë vrojtimin rreth funksionimit të zinxhirit të drejtësisë kosovare në aspektin e respektimit e të drejtave të njeriut me ligjin procedurial, material. Për më tepër, aktivitetet tona të fuqishme mbikqyrëse janë përfshirë edhe në tre raporte publike me gjetje dhe rekomandime që autoritetet kosovare t'i adresojnë të identifikuara mangësitë dhe përmirësimin e sistemit gjyqësor, ashtu sikurse tre raporte të veçanta. Duhet theksuar se EULEKS gjatë aktiviteteve të tij monitoruese respekton plotësisht pavarësinë e gjyqësorit” thuhet në përgjigje.