Gjuriq: Qeveria e Kurtit ka treguar përsëri mungesë respekti për të drejtat e serbëve, bashkësia ndërkombëtare duhet të reagojë

Ministri i Punëve të Jashtme i Serbisë, Marko Gjuriq, vlerësoi se qeveria e Albin Kurtit tregon përsëri mungesë respekti për sundimin e ligjit dhe të drejtat e serbëve në Kosovë.

Gjuriq deklaroi se në ditët e fundit ka pasur disa lëvizje që ai i vlerësoi si presion ndaj komunitetit serb.

"Në ditët e fundit, kemi parë prishjen e pronës serbe në Liqenin Gazivode pavarësisht procedurave të vazhdueshme gjyqësore dhe paralajmërimeve nga Bashkimi Evropian, punime të paligjshme brenda zonës së mbrojtur Deçanit të Lartë, në kundërshtim me legjislacionin e Kosovës dhe marrëveshjen e vitit 2020, si dhe pengesa të reja administrative që synojnë pengimin e mbërritjes së pelegrinëve të Kishës Ortodokse Serbe", tha Gjuriq në rrjetin "X".

Sipas tij, këto nuk janë probleme teknike të izoluara, por pjesë e një modeli më të gjerë sjelljeje.

"Këto nuk janë çështje teknike të izoluara. Ato përfaqësojnë një model të qëllimshëm presioni mbi të drejtat e pronës së serbëve, lirinë e fesë dhe vendin e Deçanit të Lartë, i cili është në Listën e Trashëgimisë Botërore të UNESCO-s", tha Gjuriq.

Ai i bëri thirrje pranisë ndërkombëtare në Kosovë të reagojë.

"Unë besoj fuqimisht se prania ndërkombëtare, Bashkimi Evropian, OSBE dhe KFOR-i, brenda kompetencave të tyre, duhet të reagojnë me vendosmëri për të ndaluar këtë krijim të një fakti të kryer dhe për të mbrojtur sundimin e ligjit", përfundoi Gjuriq.

Kurti’s government is once again demonstrating its disregard for the rule of law and the rights of Kosovo #Serbs.

In just the past few days we have seen: the demolition of Serb properties at Lake #Gazivode despite pending court cases and EU warnings; illegal works inside the…

— Марко Ђурић (@markodjuric) July 30, 2026