Gjuriq: Serbia ka paguar një çmim të lartë për lirinë, ne ruajmë shtetësinë, lirinë dhe pavarësinë

Ministri i punëve të jashtme i Serbisë, Marko Gjuriq, tha se Serbia e ka paguar çmimin e lartë për lirinë në Luftën e Parë Botërore, prandaj Serbia dhe qytetarët e saj do të vazhdojnë të mbrojnë shtetësinë, lirinë dhe pavarësinë si vlera supreme kombëtare.

“Sot, në Ditën e armëpushimit në luftën e Parë botërore, kujtojmë golgotën që kaloi vendi dhe populli ynë gjatë viteve të luftës, por edhe këmbënguljen dhe heroizmin e të parëve tanë të famshëm, falë të cilave ekzistojmë sot”, ka thënë Gjuriq në platformën “X”.

Siç ka theksuar, populli serb ishte viktima më e madhe e Luftës së Parë Botërore dhe fuqitë qendrore, të shtyra nga ambiciet perandorake, u përpoqën të fshinin nga harta një vend të vogël, por liridashës.

Ai kujtoi se Serbia humbi më shumë se një të katërtën e banorëve të saj dhe 62 për qind të popullsisë mashkullore të aftë për punë në atë luftë dhe do të shënohet në analet e historisë ushtarake botërore se populli trim serb fitoi fitoren e parë të aleatëve në malin Cer.

“Shteti i shkatërruar serb dhe populli serb i vuajtur u ngrit nga hiri, njësoj si lulja e pathyeshme e Natalija Ramondës, simbol që sot e mbajmë me krenari pranë zemrave tona. Serbia pagoi një çmim të lartë për lirinë në Luftën e Parë Botërore, prandaj vendi ynë dhe qytetarët e saj do të vazhdojnë të mbrojnë shtetësinë, lirinë dhe pavarësinë serbe si vlera supreme kombëtare. Rroftë Serbia”, ka thënë Gjuriq.