Gjuriq: Serbia po përmirëson ndjeshëm pozicionin e saj, kudo do të flasim për pozitën e serbëve në Kosovë

Ministri i Punëve të Jashtme të Serbisë, Marko Gjuriq, deklaroi në Nju Jork se prezantimi i sivjetshëm i Serbisë në seancën e Asamblesë së Përgjithshme të OKB-së ishte ndoshta më gjithëpërfshirësi në 12 vitet e fundit. Ai shtoi se Serbia është duke e përmirësuar ndjeshëm pozitën e saj me nivelin e përpjekjeve që po investohet dhe se kudo do të flitet për pozitën e serbëve në Kosovë.

“Sonte në Nju Jork Serbia prezantoi një vizion ndryshe të rajonit, një vizion që do ta bëjë rajonin ku jetojmë të bëhet një rajon i suksesit. Dhe një rajon që në vend të ndarjeve, konflikteve dhe grindjeve të pakuptimta, që dominojnë politikën evropiane, madje edhe botërore, fokusohet në teknologjitë e reja - në bashkëpunim, në inteligjencën artificiale. Dhe pikërisht kur të gjithë presin që Serbia të dërgojë fjalë të hidhura dhe të ashpra, presidenti i Serbisë foli për inteligjencën artificiale, për të ardhmen, për bashkëpunimin dhe për lidhjen”, tha Gjuriq në pritjen "Serbia përtej së ardhmes" (Serbia beyond future), ku ai ishte mikpritës.

Ai shtoi se në pritjen serbe kishte shumë njerëz të rëndësishëm.

“Kishte tetë-nëntë ministra të punëve të jashtme që iu përgjigjën ftesës sonë në një kohë të shkurtër, Presidentja e Maqedonisë, ishin shumë njerëz të rëndësishëm nga jeta politike e Shteteve të Bashkuara të Amerikës, shumë njerëz të rëndësishëm nga sistemi i Kombeve të Bashkuara, shumë njerëz të rëndësishëm nga bota e shkencës… Unë isha krenar që pashë një komunitet të rëndësishëm akademik serb këtu në Amerikë, disa profesorë serbë nga Universiteti Kolumbia. Dhe nëse ju them se kjo ngjarje është vetëm një nga pikat e ditës së sotme, sepse sot ne si Serbi kemi qenë të pranishëm në fjalë për fjalë në dhjetëra ngjarje, në nivele të ndryshme, presidenti Vuçiq pati një sërë bisedash të tij dypalëshe, nuk mund të numëroj dypalëshet e mia. Pra, kaq shumë takime me kaq shumë ministra, marrëveshje të nënshkruara sot, për të cilat do t'i paraqesim një raport të detajuar publikut të Serbisë. Kam marrë pjesë edhe në procesin e bashkëpunimit në Evropën Juglindore, kam mbajtur një fjalim në takimin e partneritetit për lëndët e para kritike, gjegjësisht mineralet, ku Serbia merr pjesë me 14 vendet kryesore industriale të botës dhe të Bashkimit Evropian”, tha ministri.

Ai shtoi se Serbia është duke e përmirësuar ndjeshëm pozitën e saj me këtë intensitet dhe nivel të përpjekjeve që po investohet.

“Ka pasur përpjekje gjatë ditës për t'i vënë etiketa të ndryshme Serbisë nga aktorë nga rajoni dhe nga krahina jonë jugore. Disa prej tyre fluturojnë nëpër korridoret e Kombeve të Bashkuara. Vetëm për të parë Kurtin dhe Gervalën dhe të tjerët të varur rreth ndërtesës së Kombeve të Bashkuara. Natyrisht, ata nuk mund të hyjnë në sallë, sepse nuk janë anëtare të Kombeve të Bashkuara, nuk kanë as mundësi të tilla në horizont. Më vjen keq që shfrytëzojnë rastin të bredhin nëpër korridore për të thënë diçka të shëmtuar për ne”, theksoi Gjuriq.

Ai theksoi se Serbia nuk do të kundërpërgjigjet në të njëjtën mënyrë.

“Ne nuk do të bëjmë reciproke, por kudo do të flasim për gjendjen e vështirë në të cilën ndodhen serbët në Kosovë dhe Metohi, falë politikës së tyre destruktive. Sido që të jetë, të nderuar qytetarë të Serbisë, mund të jemi të kënaqur me nivelin e përfaqësimit të Serbisë këtu. Nuk më pëlqen t'i them lehtë këto lëvdata, tha ai, por i jam vërtet mirënjohës gjithë ekipit në Misionin e Serbisë, në Ministrinë e Punëve të Jashtme të Serbisë, kabinetin e Presidentit, në Ministrinë e Jelena Begoviqit, pranë Dhomës së Tregtisë, pasi këtu janë edhe Z. Çadezh dhe Dhoma e Tregtisë. Me të vërtetë mund të them se ky është një nga, pasi që prej 12 vitesh vazhdimisht marr pjesë në seancat e OKB-së, ky është ndoshta prezantimi ynë më gjithëpërfshirës deri më tani”, përfundoi shefi i diplomacisë serbe.