Grenell: Kaluam nga paqja dhe përparimi në kaos dhe pushtim

Ish-i Dërguari i Posaçëm të presidentit amerikan për dialogun ndërmjet Kosovës dhe Serbisë, Riçard Grenell, tha mëngjesin e sotëm, pasi anëtarët e KFOR-it rrethuan ndërtesat komunale në veri, se “kemi kaluar nga paqja dhe progresi në kaos dhe okupim”.

Në një postim të titulluar “lajmet e fundit” në Twitter, Grenell ka shpërndarë një video para ndërtesës komunale në Leposaviq ku shtrihen telat me gjemba dhe ku ndodhen një numër i madh i pjesëtarëve të KFOR-it.

"Trupat e NATO-s pushtuan ndërtesat në Kosovë. Trupat amerikane dhe paratë amerikane. Ne kaluam nga paqja dhe përparimi me Trumpin në kaos dhe okupim me Bajdenin. Bajden është aq i dobët", tha Grenell.

Pjesëtarët e pjesës italian të KFOR-it ndodhen në Mitrovicën e Veriut, në hyrje të Mahallit të Boshnjakëve, ku janë dislokuar që nga orët e hershme të mëngjesit. Janë të pranishëm disa xhipa dhe kamionë me më shumë se 100 ushtarë.

Në Zveçan janë të pranishëm edhe një numër i madh i pjesëtarëve të kontingjentit polak të KFOR-it, të cilët formojnë unazën e parë të “sigurisë” rreth ndërtesës komunale. Pas tyre, afër vetë ndërtesës së komunës, janë pjesëtarët e Policisë së Kosovës.

Kujtojmë se sot në mëngjes shkollat ​​në veri të Kosovës janë mbyllur për shkak të situatës së re të sigurisë dhe prezencës së madhe të policisë së Kosovës, e cila të premten me dhunë pushtoi objektet e komunës së Zveçanit, Zubin Potokut dhe Leposaviqit.