Ibishi: Kosova ka ligje të mira për parandalimin e terrorizmit, është e nevojshme që ato të zbatohen në praktikë

Eksperti i sigurisë, Nuredin Ibishi, lidhur me raportin e Departamentit të Shtetit, në të cilin Kosova kritikohet për dënimet e vogla për terrorizmin, tha se Kosova ka një bazë të mirë ligjore në luftën kundër terrorizmit, por se është e nevojshme që të gjitha këto ligje të zbatohen në praktikë.

Ibishi tha për Kosovo online se dënimi maksimal për pjesëmarrje në organizata terroriste është 15 vjet burg dhe se i takon organeve të drejtësisë që të sigurojnë prova të vlefshme.

“Kosova ka bazë të mirë ligjore për ndalimin e pjesëmarrjes në konflikte të huaja, dënimi maksimal është 15 vjet. Rreth 120 të kthyer nga fusha e betejës për shkak të pjesëmarrjes në organizata terroriste janë kthyer në Kosovë dhe 80 të tjerë janë në kampe në Siri, kështu që kritikat e Departamentit të Shtetit janë më shumë për masën e dënimit.Tani i takon gjykatave të dëshmojnë pjesëmarrjen e tyre në aksionet terroriste në Siri dhe Irak më parë, ose në organizata të tjera që kanë qenë në Kosovë. Me siguri Ministria e Brendësia dhe Qeveria do ta kenë parasysh këtë, por puna është më shumë të Prokuroritë dhe gjykatat, të cilat duhet të dëshmojnë pjesëmarrjen në organizata terroriste”, tha Ibishi.

Siç tha ai, Ligji për ndalimin e pjesëmarrjes në organizata terroriste është në përputhje me vendet evropiane, por kritikat e Departamentit të Shtetit pasuan për shkak të moszbatimit të ligjit në praktikë.

“Kam qenë deputet kur në vitin 2015 kemi miratuar Ligjin për masën e dënimit, i cili është në përputhje me vendet evropiane, por për shkak të moszbatimit të tij në praktikë, ka pasur kritika nga Departamenti i Shtetit për shumën të atyre dënimeve dhe masave për dënimet e tjera me kusht dhe dënimet jashtë institucioneve të burgut. Gjyqësori duhet ta ketë parasysh në mënyrë të pavarur, nga pikëpamja e Ligjit për Ndalimin e Pjesëmarrjes në Organizata Terroriste. Natyrisht që duhet të reagojë edhe Qeveria e Kosovës, aq më tepër që ekziston mundësia e zgjerimit në bazë të organizatave etnike apo fetare”, tha Ibishi dhe theksoi se Departamenti i Shtetit me siguri ka paraqitur “situatën reale” në raport, duke marrë parasysh rastin e Milan Radoiçiqit dhe sulmin në Banjska.

Ai shton se Kosova ka një degë të gjerë të parandalimit të akteve terroriste, por megjithatë nevojitet sinkronizimi me partnerët që në fund të procesit masat të jenë adekuate.

“Ne kemi edhe Ligjin për ndalimin e financimit të organizatave terroriste, kemi edhe agjenci që merren me të dhe kemi vepruar kundër terrorizmit bashkë me SHBA-në. Institucionalisht jemi shumë mirë të organizuar, kemi një degë të gjerë të parandalimit të akteve terroriste dhe duke iu përgjigjur kësaj çështjeje, si dhe bashkëpunim të mirë me kthimin e qytetarëve tanë që kanë marrë pjesë në organizata, por e gjithë kjo duhet të sinkronizohet dhe të avancohet bashkëpunimi në mënyrë që masat të jenë adekuate, për ta parandaluar atë, qoftë etnik apo në baza fetare”, shtoi Ibishi.

I pyetur se si liberalizimi i vizave për qytetarët e Kosovës do të ndikojë te organizatat terroriste, duke qenë se në raportin e Departamentit të Shtetit thuhet se qytetarët e Kosovës janë objektiva të lehtë për rekrutim nga organizatat ekstremiste të dhunshme, organizatat politike etno-nacionaliste apo fetare, Ibishi thekson se kjo çështje do të ndikon vetëm në largimin e të rinjve.

"Liberalizimi i vizave do të ndikojë në largimin e të rinjve dhe atë pjesë të ndjeshme, të arsimuarve të lartë. Kosova nuk bën përjashtim. Si çdo vend tjetër para nesh që morën liberalizimin e vizave, Kosova do të mbajë pasojat. Do të përjetojë largimin e të rinjve në numër të madh”, përfundoi Ibishi.