Imeri: Të gjitha çështjet e hapura me komunitetin serb në Kosovë duhet të zgjidhen përmes BKS-së

Analisti politik Visar Imeri në intervistën për Kosovo online thekson se pas formimit të BKS-së, të gjitha institucionet në Kosovë duhet të punojnë sipas ligjeve të Kosovës dhe se kjo është zgjidhja më e mirë.

Imeri ka reaguar ndaj deklaratës së ministrit të Brendshëm, Xhelal Sveçla, i cili ka thënë se komuniteti serb në Kosovë ka të drejta dhe privilegje shtesë në fushën e arsimit dhe shëndetësisë, përmes autoriteteve komunale dhe se ato do të trajtohen në mënyrë specifike në raport me institucionet e tjera, dhe se nuk do të vazhdojnë të funksionojnë sipas sistemit serb, por aktivitetet e tyre do të përcaktohen në kuadër të ligjeve të Kosovës.

Imeri thekson se Bashkësia e Komunave Serbe është e paraparë me statutin e BE-së, se si duhet të regjistrohen shkollat, spitalet, i gjithë sistemi shëndetësor dhe arsimor sipas ligjeve të Kosovës,dhe të jetë nën administrimin e BKS-së.

“Kjo është përgjegjësia më e madhe që do të ketë BKS, jam pro dialogut dhe mendoj se kjo është mënyra më e mirë që me formimin e BKS-së të zgjidhen të gjitha këto çështje që kanë të bëjnë me shkollat, spitalet, përdorimin e dinarëve, gjithçka që po diskutohet tani. Të gjitha çështjet e hapura me komunitetin serb në Kosovë duhet të zgjidhen përmes BKS-së. Ministri thotë se do të zgjidhet sipas ligjeve të Kosovës, që do të thotë se është dashur të zgjidhet me dialog dhe BKS. Kur të formohet BKS, të gjitha institucionet në Kosovë duhet të punojnë sipas ligjeve të Kosovës, këtë e thotë Statuti dhe mendoj se kjo është zgjidhja më e mirë”, tha Imeri.

Ai thekson se kryeministri i Kosovës Albin Kurti është pajtuar për formimin e BKS-së.

“Kurti ka rënë dakord me BKS, por nuk do ta formojë si akt sepse do të humbiste vota për shkak të saj, por po flasin se ndoshta do ta zbatojnë një pjesë të marrëveshjes në sektorë të caktuar dhe jo BKS në tërësi, por mendoj se përfundimi do të jetë i njëjtë”, shton ai.