Jankoviq: Plagosja në Shtërpcë tregon se serbët në Kosovë jetojnë nën kërcënime të vazhdueshme

Plagosja e një djali 11-vjeçar serb dhe një 21-vjeçar në Shtërpcë tregon se serbët në Kosovë duhet të jetojnë në frikë, pasiguri dhe nën kërcënime të vazhdueshme, thekson ambasadorja e Serbisë në Gjermani, Snezhana Jankoviq.

Jankoviq, për gazetën “Berliner Zeitung”, ka theksuar se ky plagosje tregon se bashkësia ndërkombëtare duhet të veprojë urgjentisht.

“Aksionet kundër serbëve në Kosovë duhet të ndalen menjëherë”, ka kërkuar ajo.

Jankoviq theksoi se paqja dhe stabiliteti janë  një rëndësie më të madhe për Serbinë për të siguruar rritje ekonomike, zhvillim dhe investime.

Ajo kritikoi veprimet e rrezikshme dhe të njëanshme të Prishtinës si dhe refuzimin e veçantë të qeverisë së Albin Kurtit për të themeluar Komunitetin e Komunave Serbe të parashikuar në Marrëveshjen e Brukselit nga viti 2013.

Ai refuzim, thotë, “përveç problemeve tjera të serbëve në Kosovë dhe Metohi, është arsyeja pse serbët u larguan nga institucionet e përkohshme”.

Ajo përkujtoi se themelimin e Komunitetit të Komunave Serbe e kërkon edhe qeveria amerikane.

“Nuk jemi optimistë për situatën në këtë moment. Do të ishte me rëndësi të madhe për BE-në që të rrisë presionin ndaj Prishtinës”, ka shpjeguar Jankoviq.

Lidhur me kërkesën e BE-së që Serbia t'i bashkohet sanksioneve kundër Rusisë ajo kujtoi se Beogradi e dënoi qartë sulmin e Rusisë ndaj Ukrainës.

“Serbia e di se çfarë është një sulm kundër ligjit ndërkombëtar, sepse ne vetë i mbijetuam të tillë në vitin 1999 dhe vuajtëm nën sanksione për dhjetë vjet. Pjesëmarrja në sanksione nuk është e mundur për shkak të interesave tona kombëtare, si dhe për shkak të varësisë sonë të madhe nga Rusia në sektorin energjetik”, ka shpjeguar ajo.

Nga ana tjetër, thekson ajo, eksperienca jonë tregoi se sanksionet prekin vetëm popullatën e një vend, por jo edhe qeverinë. Sanksionet legjitime duhet të pranohen vetëm nga OKB-ja, nënvizoi ambasadorja në Berlin.

KOSOVA, SERBËT NË KOSOVË, SERBIA, GJERMANI, FËMIJËT, SULMI