Jeffrey Sachs: Qëllimi i bombardimeve të NATO në vitin 1999 ishte ndarja e Serbisë

Kombet e Bashkuara janë plagosur thellë, ndoshta fatalisht, nga ngjarjet që po zhvillohen tani. SHBA-të dhe Bashkimi Evropian po e shkatërrojnë, nëse jo po e vrasin, OKB-në duke braktisur pa turp Kartën e OKB-së, tha Jeffrey Sachs, profesor në Universitetin e Kolumbias, raporton Danas.

Në një intervistë për botimin e shtypur të së përditshmes së Beogradit Politika më 19 qershor, Jeffrey Sachs vlerësoi se "Uashingtoni dhe Brukseli po e shkelin Kartën e OKB-së në lidhje me Iranin çdo orë", dhe citoi dispozitën për të cilën bëhët fjalë, Nenin 2, paragrafi 4 - mbi përmbajten nga kërcënimi ose përdorimi i forcës "kundër integritetit territorial ose pavarësisë politike të çdo shteti".

I pyetur se cili ishte qëllimi i vërtetë i bombardimeve të NATO-s mbi Jugosllavinë në vitin 1999, Sachs u përgjigj:

"Qëllimi në fakt ishte të përçahej Serbia dhe t'i tregohej Rusisë se kush është "shefi i vërtetë". Bombardimi i Serbisë mund të ketë qenë, të paktën pjesërisht, pasojë e rivalitetit midis Madeleine Albright dhe Richard Holbrooke, të cilët po garonin për t'u bërë Sekretar Shteti në administratën e Al Gore, pasi ata supozonin se ai do të mposhtte George W. Bush në zgjedhjet e vitit 2000 në SHBA. Thashethemet thonë se Albright donte luftë për të penguar diplomacinë e Holbrooke. Nuk jam i sigurt nëse kjo është e vërtetë, por sigurisht që tingëllon e mundshme."