Jevtiq: Deklarata e Kurtajt nuk është befasi, kur qëlloni serbët nuk jeni fajtor

Kryetari i Komunës së Shtërpcës, Dallibor Jevtiq, ka deklaruar se nuk është befasuar nga fakti që Azem Kurtaj ka mohuar fajësinë për plagosjen e fëmijëve serbë, Millosh dhe Stefan Stojanoviq, sepse siç ka theksuar ai, Kurtaj dhe të tjerët si ai besojnë se nuk ka faji nëse pushkatohen serbët.

“Deklarata e sotme e Azem Kurtajt në seancë se nuk është fajtor për plagosjen e Milloshit dhe Stefan Stojanoviqit nuk është befasi për ne që jetojmë në Kosmet. Azem Kurtaj dhe të tjerët si ai besojnë se kur qëlloni mbi fëmijët serbë, mbi serbët, nuk jeni fajtor”, ka shkruar Jevtiq në llogarinë e tij në Facebook.

Ai tha se në Kosovë është krijuar një atmosferë në të cilën serbët janë kriminelë.

“Përkatësisht, politika e regjimit aktual në Prishtinë është e tillë që ka krijuar një atmosferë në shoqërinë kosovare në të cilën serbët janë kriminelë, dhe për mendimin tim, është pikërisht kjo politikë dhe gjithçka që ka bërë Albin Kurti që nga ardhja e tij në pushtet, që bëri që Azem Kurtaj të vinte në komunën me shumicë serbe të Shtërpcës në ditën para Krishtlindjes 2023 dhe të qëllonte mbi serbët që mbanin një pemë të Krishtlindjes. Në fund, ne serbët do të jemi fajtor për Stefanin dhe Milloshin e plagosur”, ka theksuar Jevtiq.

Ai ka shtuar gjithashtu se Kurtaj nuk ka bërë rastësisht padi ndaj tij.

“Ajo padi është pasqyrë e gjendjes dhe rrethanave aktuale në të cilat jetojmë ne serbët në Kosovë. Azim Kurtaj jo vetëm thotë se nuk është fajtor, por thotë se unë jam fajtor që kam guxuar të flas publikisht për tentativën e vrasjes së tij. Edhe Kurtin, edhe Kurtajn i shqetëson serbët, i shqetëson Lista serbe, i shqetëson pema serbe e Krishtlindjeve, i shqetëson çdo gjë serbe. Dhe ajo që i shqetëson më shumë është se ne nuk heqim dorë nga jeta këtu!”, ka përfunduar Jevtiq.