Jevtiq kërkoi nga Komandanti i KFOR-it të Rajonit Perëndimor që ky mision të rrisë praninë e tij në Shtërpcë

Kryetari i Komunës së Shtërpcës, Dallibor Jevtiq, sot ka takuar qytetarët e kësaj komune, me të cilët ka biseduar për gjendjen e sigurisë dhe më pas konkluzionet nga ky takim ia ka përcjellë komandantit të KFOR-it të Rajonit Perëndimor, kolonelit Ivan Marot.

"Përfundimi im është se situata është shumë e rëndë dhe serioze. Unë jam veçanërisht i shqetësuar për vazhdimin e narrativës rreth ngjarjeve të 6 janarit dhe përpjekjes për të justifikuar vrasjen e një djali dhe një të riu. Këtë ia kam përcjellë Komandanti i KFOR-it të Rajonit Perëndimor. Takimi ishte i gjatë dhe i detajuar. I kam përcjellë të gjitha shqetësimet dhe informacionet që kanë qytetarët. I kërkova KFOR-it të rrisë prezencën e tij, duke kuptuar nivelin e kapaciteteve të pranisë së tyre në përgjithësi. Ata do të rrisin praninë e tyre në përputhje me rrethanat", tha Jevtiq për TV Herc.

Nga ana tjetër, siç shtoi ai, nga Policia e Kosovës do t’i kërkohet që të shtojë patrullat përveç pikave të përhershme të kontollit në afërsi të shkollave kur fillon mësimi.

"Të shtohen patrullat ku fëmijët presin transportin publik për të shkuar në shkollë dhe në kohën kur fëmijët kthehen nga shkolla. Këto ishin kërkesat e qytetarëve", tha Jevtiq.

Siç ka raportuar ai, në takimin me qytetarët janë bërë konkluzionet dhe kërkesat, të cilat do t'i dërgohen KFOR-it dhe Policisë së Kosovës dhe bëhet fjalë për shqetësime që kanë të bëjnë jo vetëm me sigurinë, por edhe me disa çështje të tjera.

“Po ashtu jemi marrë vesh që në ditët në vijim secili nga vendet në territorin e Komunës së Shtërpcës të zgjedhë tre deri në pesë përfaqësues të cilët rregullisht do të mbajnë takime me mua dhe bashkëpunëtorët e mi për të gjitha temat për të cilat do të zgjedhin. Si Komunë e Shtërpcës kemi pasur idenë që të thërrasim një seancë të jashtëzakonshme të Kuvendit, por qytetarët kanë kërkuar që të organizohet një takim me ta. Sot dhe nesër do të vazhdoj të bisedoj me njerëzit që munden dhe duhet të ndihmojnë në tejkalimin e gjithë kësaj situate dhe të sigurojmë siguri dhe paqe për qytetarët tanë, dhe paqja është, në fund të fundit, interesi ynë më i madh”, tha Jevtiq.