Kfor: Nuk kemi qenë të përfshirë në ndërtimin e dy urave në Ibër, vazhdojmë të ndjekim situatën

Kfor nuk ka qenë i përfshirë në ndërtimin e dy urave të reja mbi lumin Ibër, informon ky mision i Nato-s për Kosovo onlajn, duke bërë të ditur se vijojnë që të ndjekin situatën nën praninë e vazhdueshme në urën kryesore në Ibër dhe të ndërmarrin patrullim të rregullt në zonat përreth.

“Kfor vijon të ndjekë situatën dhe të mbajë qëndrim fleksibël, që të reagojë shpejt në çdo zhvillim të ngjarjeve të sigurisë. Për t’a bërë këtë, KFOR mban prani të vazhdueshme dhe të dukshme në urën kryesore mbi lumin Ibër në Mitrovicë dhe ndërmerr patrullime të rregullta në zonat përreth”, thuhet në përgjigjen e KFOR ndaj pyetjes së Kosovo Onlajn nëse ura e re mbi Ibër, e cila u hap disa ditë më parë, si dhe ura kryesore, do të sigurohen nga anëtarët e KFOR në të ardhmen dhe nëse KFOR planifikon të rrisë patrullimet në zonë.

Shtojnë se sigurimi i koordinimit efektiv me bashkësinë ndërkombëtare dhe përfshirja e komuniteteve vendase është thelbësore për parandalimin e tensioneve dhe gjetjen e zgjidhjeve afatgjata.

“KFOR nuk ishte i përfshirë në ndërtimin e dy urave të reja mbi lumin Ibër. Në përputhje me mandatin e vet disavjeçar të KB, KFOR vazhdon të përmbushë rolin e vet-të kontribuojë në mjedis të sigurt për të gjithë njerëzit dhe komunitetet që jetojnë në Kosovë”, thuhet në përgjigjen e KFOR.

Ura e re në Ibër mes jugut dhe veriut të Mitrovicës,  u çel më 26 gusht, ndonëse sipas deklaratave të mëhershme ajo do të duhej të çelej më 1 shtator. Pas vënies në funksion të kësaj ure për trafikun e automjeteve, praktikisht janë intensifikuar punimet dhe në ndërtimin e urës së dytë, asaj për këmbësorët.

Urat e reja ndërtohen pa miratimin e komunitetit sërb ku është i pakënaqur dhe me atë që dhe përmes peticionit kundër ndërtimit të urave, besonin se ato paraqisnin rrezik të madh të sigurisë dhe provokime.

Guri i themelit për ndërtimin e dy urave që ndodhen në afërsi të urës kryesore të Ibrit, u vendos nga kryeministri i Kosovës në mandatin teknik Albin Kurti më 1 korrik.