Konstantinoviq: Është herët për të vlerësuar punën e Dhomave të Specializuara, presionet ndaj dëshmitarëve i pritur

Që nga fillimi i procesit kundër Hashim Thaçit dhe të tjerëve para Dhomave të Specializuara të Kosovës në Hagë, mund të pritej që do të kishte përpjekje për të ushtruar presion ndaj dëshmitarëve, thotë avokati Milorad Konstantinoviq për Koosovo online i cili shton se mbrojtja adekuate e dëshmitarëve është e nevojshme.

Duke folur nëse masat e marra nga gjykata, pasi u konstatua se ka pasur tentativë për të ndikuar te dëshmitarët, gjegjësisht kufizimi i përkohshëm i vizitave dhe komunikimeve të tre ish-udhëheqësve të UÇK-së, Hashim Thaçi, Kadri Veseli dhe Rexhep Selimi, duhet të ushqejnë besim në punën e këtij institucioni, Konstantinoviq thotë se është herët për të vlerësuar punën e këtij mekanizmi gjyqësor.

“Është ende herët për të folur për ndonjë vlerësim të punës së Dhomave të Specializuara. Prokuroria ka marrë urdhër nga gjykata edhe pas përfundimit të procedurës hetimore për të propozuar masa për mbrojtjen e dëshmitarëve. Nuk kemi informacion se për sa dëshmitarë masat e tilla janë paraparë dhe nëse është kërkuar dispozita e atyre masave. Ka, veçanërisht në rastet e krimeve të luftës si ky, kategori të dëshmitarëve që janë jashtëzakonisht të ndjeshëm dhe që mund të marrin edhe statusin e dëshmitarëve të mbrojtur”, thotë Konstantinoviq.

Ai thekson se duke pasur parasysh historinë e proceseve gjyqësore para Tribunalit të Hagës për ish-Jugosllavinë dhe ngjarjet që ndodhën atje, ishte e pritshme që të kishte përpjekje për të ndikuar mbi dëshmitarët në këto procedura.

“Ishte e pritshme që të bëhej presion ndaj dëshmitarëve dhe ndoshta të tentoheshin gjëra edhe më të këqija. Kur në një moment të kemi të gjitha informacionet se si janë sjellë gjykata dhe prokuroria, do të mund të japim një vlersim të përgjithshem besoj se për një gjykim të drejtë dhe për marrjen e aktgjykimit të bazuar në ligj, është e nevojshme që dëshmitarët të dëshmojnë me qetësi dhe të paraqesin të gjitha gjetjet e tyre”, thekson Konstantinoviq.

Bashkëbiseduesi ynë mendon se ka qenë e nevojshme që dëshmitarëve t'u sigurohet mbrojtje adekuate.

“Disa kategori dëshmitarësh tashmë duhej të kishin mbrojtje dhe nëse kjo nuk do të ndodhte, kishte një afat të madh kohor kur mund të ndikohej te ata. Vetë fakti se në momentin kur i dorëzohet aktakuza në mbrojtje të të pandehurve dhe vetë të pandehurve, ata mësojnë se cilët janë personat. Fakti që ata janë të detyruar nga rregulloret gjyqësore të mos ndikojnë mbi dëshmitarët nuk është absolutisht mbrojtje e mjaftueshme. Dëshmitarët individualë duhet të mbrohen në mënyrë më adekuate, identiteti i tyre duhet të fshihet, ata duhet të zhvendosen. Ju kujtoj se në Holandë për arsye sigurie janë themeluar vetëm Dhomat e Specializuar të themeluara nga Kuvendi i Kosovës. Ai është zhvendosur nga territori i Kosovës pikërisht për arsye sigurie, në radhë të parë të dëshmitarëve që duhet të dëshmojnë atje”, tha ai.

Siç thekson Konstantinoviq, është vlerësim individual i secilit dëshmitar nëse ai do të vazhdojë të dëshmojë në procedurë apo do të marrë një vendim tjetër.

"Ka njerëz që janë aq të hidhëruar dhe nuk u ka mbetur asgjë nga jeta, saqë do të dëshmojnë me çdo kusht, madje edhe duke rrezikuar jetën nëse është e nevojshme. Megjithatë, një numër i madh dëshmitarësh do të dorëzohen, do të kenë frikë. Më duhet të ju kujtojmë, këtu nuk bëhet fjalë vetëm për viktimat serbe, viktimat e këtij grupi të ndërmarrjes së përbashkët kriminale ishin kryesisht shqiptarë, kështu që ekziston nevoja e madhe për t'u siguruar mbrojtje adekuate dëshmitarëve dhe është dashur që nga fillimi i procedurat”, përfundon Konstantinoviq.