Lista Serbe: Agjenti special që tentoi të vriste Millan Jovanoviqin është liruar në arrest shtëpie, dhuna juridike vazhdon

Lista Serbe ka njoftuar sot se Gjykata Themelore në Mitrovicë ka vendosur që pjesëtari i njësive speciale me nacionalitet shqiptar, i cili më 10 prill tentoi të vriste Millan Jovanoviqin në Urën e Bistricës dhe me atë rast i kishte shkaktuar lëndime të rrezikshme për jetën me arma zyrtare, duhet të lirohet nga paraburgimi, dhe të jetë në arrest shtëpie për 30 ditët e ardhshme.

Me këtë vendim vazhdon dhuna juridike dhe institucionale e regjimit të Albin Kurtit, njofton Lista Serbe.

“Kujtojmë se në të njëjtën mënyrë gjyqësori i Kurtit urdhëroi arrest shtëpiak për një pjesëtar të Forcave të Sigurisë së Kosovës, i cili tentoi të vriste Milloshin dhe Stefan Stojanoviqin në fshatin Gotovushë në Ditën e buzmit. Është e qartë se nuk ka drejtësi për serbët në Kosovë dhe Metohi, madje edhe kur në raste të rralla arrestohen ata që tentojnë të vrasin serbët, dërgohen në arrest shtëpie ose lirohen”, thuhet në njoftim.

Gjithashtu theksohet se, derisa autorët e krimeve të rënda të kombësisë shqiptare lirohen në arrest shtëpie, dhjetëra serbë të pafajshëm të dëshmuar janë ulur ilegalisht nëpër burgje, duke pritur një lloj gjykimi, qoftë edhe për disa vite.

“Ky vendim i turpshëm i regjimit të Kurtit është një përgjigje ndaj deputetëve të Parlamentit Evropian që flasin për sundimin e ligjit në Kosovë dhe Metohi, por edhe një dëshmi tjetër e mosndëshkimit të atyre që kryejnë krime ndaj serbëve “, përfundon Lista Serbe në njoftimin.