Lista Serbe me Lajçakun: Formimi i BKS-së dhe mbrojtja e të drejtave të popullit serb parakusht për normalizimin e marrëdhënieve

Përfaqësuesit e Listës Serbe janë takuar sot me përfaqësuesin special të BE-së për dialogun ndërmjet Beogradit dhe Prishtinës, Miroslav Lajçak, të cilit i kanë përcjellë se parakushtet për normalizimin e marrëdhënieve janë formimi i Bashkësisë së Komunave Serbe, siguria dhe mbrojtja e të drejtave të popullit serb.

Në takim, siç është raportuar, Lista Serbe u përfaqësua nga kryetari i Listës Serbe, Goran Rakiq, Igor Simiq dhe Dallibor Jevtiq. Ata theksuan se formimi i Bashkësisë së Komunave Serbe, siguria dhe mbrojtja e të drejtave kolektive dhe individuale të popullit serb janë parakusht për normalizimin e marrëdhënieve.

Lajçak ka mbërritur dje në Prishtinë, ku ka pasur takime të veçanta me presidenten e Kosovës Vjosa Osmani dhe kryeministren Albin Kurti.

Lajçak gjatë ditës së sotme është takuar me përfaqësues të opozitës në Kosovë.

Pas vizitës në Prishtinë, Lajçak është planifikuar të vizitojë Beogradin.