Lista Serbe: Regjimi banditesk në Prishtinë vazhdon të uzurpojë pronën private dhe publike serbe

Kryeministri i Kosovës Albin Kurti po i përdor të gjitha mekanizmat institucionalë për t'u marrë me serbët dhe për të dëbuar të gjithë serbët nga Kosova, paralajmëron Lista Serbe pas mbylljes së gjashtë objekteve të banimit në Zubin Potok ku është dashur të vendosen serbët.

Lista Serbe tregon se Kurti pas dështimit të fajësimit të serbëve dhe Serbisë për incidentin në kanalin Ibër-Lepenci, ka intensifikuar terrorin ndaj serbëve në Zubin Potok dhe në tërë Kolashinit e Ibrit.

“Përveç terrorit fizik dhe psikologjik, regjimi i Albin Kurtit urdhëroi sekuestrimin e paligjshëm të 107 njësive të banimit në Zubin Potok, të destinuara për strehimin e bashkatdhetarëve tanë në këto zona, të cilat janë ndërtuar me para nga buxheti i Serbisë”, thuhet në njoftimin e partisë.

Përfaqësuesit e Listës Serbe në komunën e Zubin Potokut, siç thonë ata, janë në komunikim të ngushtë me qytetarët të cilët janë penguar të hyjnë në banesat e tyre.

Ata shtojnë se do të përdorin të gjitha kapacitetet ligjore dhe demokratike për t'i ndihmuar në këtë situatë për të ushtruar të drejtat e tyre.

“Karakteri banditë i regjimit në Prishtinë grabiti pronën private dhe publike serbe edhe në periudhën e kaluar, siç është rasti i kompleksit të banjës Rajska në Banjskë, objekteve të autoriteteve të përkohshme, komunave, por edhe me ndalimin e ndërtimit të objektit universitar dhe shkollës për fëmijët që vijnë nga komunitetet joshumicë”, thuhet në njoftim.

Siç shtohet, shihet qartë se Kurti nuk po heq dorë nga politika e ballafaqimit me serbët dhe persekutimit të çdo gjëje serbe, dhe përfaqësuesit ndërkombëtarë nuk e braktisin politikën e tyre të vëzhgimit dhe miratimit në heshtje të veprimeve të tilla.