Marjanoviq: Vetëorganizimi i serbëve është pasojë e terrorit të përhershëm që nga viti 1999

Asistentja në Departamentin e Sociologjisë në Fakultetin e Mitrovicës së Veriut, Milica Marjanoviq, duke folur për ngjarjet në Banjskë të dy muajve më parë, thotë për Kosovo online se vetëorganizimi i serbëve ka lindur si rezultat i të drejtave të kërcënuara, për të cilën përgjegjësin nuk e mbanë Beogradi, ndërsa në të njëjtën kohë ka theksuar se EULEX si mision civil i BE atë ditë është dashur të jetë në Banjskë, por thuhet se kjo nuk ka ndodhur.

Më 24. shtator, në Banjskë ka ndodhur një konflikt në mes të një grupi serbësh dhe Policisë së Kosovës, i cili përfundoi tragjikisht me tre serbë të vrarë dhe një pjesëtar të Policisë së Kosovës.

“Beogradi pa mëdyshje nuk duhet të mbajë përgjegjësi kur bëhet fjalë për organizimin e qytetarëve, sepse ky vetëorganizim i qytetarëve buron nga terrori i përhershëm që po ndodh që nga viti 1999. Kur them se po vazhdon, kam parasysh pengimin e të gjitha të drejtat themelore të njeriut, e drejta për liri, lëvizje, e drejta e votës, e drejta e mendimit”, thotë Marjanoviq.

Ajo shton se roli i vetëm i Kfor-it është mbrojtja e serbëve, por nuk e kryen atë rol.

“Në anën tjetër, UNMIK-u si mision civil vazhdimisht fshihet në sytë e shqiptarëve, kurse EULEX-i si mision civil i BE-së është i njëanshëm dhe i kompromentuar, edhe pse është dashur të jetë në Banjskë, nuk ka ndodhur. Natyrisht, kushdo që dëshiron ta shohë këtë do ta kuptojë realitetin. Në anën tjetër, projektet e tyre të përbashkëta, përkatësisht shteti i rremë i Kosovës në krye me Kurtin, ngadalë po i kundërshtojnë ata”, thotë Marjanoviq.

Ajo thotë se ka presion ndaj Serbisë që ta njohë Kosovën, gjë që besohet se nuk do të ndodhë.

“Serbia, natyrisht, nuk do ta pranojë këtë dhe duhet ta detyrojnë të sugarin e tyre, Kurtin, të pranojë ndonjë kompromis për ta paraqitur si një lloj suksesi në botë atje. Sigurisht që nuk do të ketë asnjë sukses dhe sidomos jo siq kanë dashur, por duhet të mashtrojnë opinionin e tyre publik”, thotë bashkëbiseduesja ynë.

Marjanoviq na kujton Rezolutën 1244 dhe Marrëveshjen e Brukselit, ku thuhet se duhet të formohet AKS dhe e cila përcakton qartë kompetencat që duhet të ketë AKS.

Garantues i Rezolutës 1244 është OKB-ja, garantues i Marrëveshjes së Brukselit është BE-ja. Në këtë drejtim presim që të zbatohet ligji ndërkombëtar”, thotë Marjanoviq.