Markoviq: Kurti nuk i fsheh më orekset e tij të mëdhë shqiptarë

Historiani Predrag Markoviq thekson se gjithçka që bën kryeministri i Kosovës, Albin Kurti, përfshirë vizitën në Tetovë, ku dominonin mesazhet për bashkimin e të gjithë shqiptarëve dhe dekorin e madh shqiptar, janë mohimi më i mirë i propagandës antiserbe.

"Armiqtë e Serbisë e portretizojnë sulmin e shqiptarëve ndaj sovranitetit të Serbisë si mbrojtje kundër serbëve dhe "botës serbe". Ndër të tjera, serbët akuzohen se nuk janë mjaftueshëm bashkëpunues me komunitetin ndërkombëtar në gjetjen e një zgjidhjeje për Kosovën. Megjithatë, e gjith kjo rrënohet kur kemi parasysh Maqedoninë e Veriut. Ajo bëri çdo lëshim të mundshëm ndaj bashkësisë ndërkombëtare dhe shqiptarëve. Marrëveshja e Ohrit i lejoi shqiptarët të bllokojnë plotësisht shtetin e Maqedonisë së Veriut, por kjo padyshim nuk është e mjaftueshme për shqiptarët", tha Markoviq për Kosova Online, duke komentuar vizitën e Kurtit në Maqedoninë e Veriut dhe faktin se u promovuan idetë e mëdha shqiptare, simbolet dhe shenjat.

 Sipas Markoviqit, gjithçka që ndodhi në Tetovë tregon se “problemi nuk është në ambiciet joreale serbe, por mbi të gjitha tek shqiptarët e Kosovës, të cilët kanë oreks për të gjithë fqinjët e tyre, madje edhe ndaj Maqedonisë së Veriut më paqësore”.

Vizita e Kurti Tetovës me flamujt e “Shqipërisë së madhe” përkoi me 22 vjetorin e Marrëveshjes së Ohrit, që sipas Markoviqit nuk është rastësi.

"Koincidenca e datës me përvjetorin e Marrëveshjes së Ohrit, sipas së cilës shqiptarët në Maqedoninë e Veriut morën një shumë të pabesueshme, është një tjetër dëshmi e nderhyrjes dhe mosrespektimit të Kurtit për fqinjët e tij. Dhe një tregues se orekset e tyre për një "Shqipëri të madhe" nuk kanë mbaruar, sipas Markoviqit.

Fakti që Perëndimi i vështron me qetësi aspiratat e mëdha shqiptare, ndërkohë që reagon ashpër ndaj çdo përmendjeje të interesave serbe në rajon, kështu komenton Markoviç:

“Nëse Perëndimi ka problem me kokëfortësinë serbe, pse e lejon një abuzim të tillë të shtetit më të bindur në Ballkan, Maqedonisë së Veriut”.