Vuletiq: Kurti dëshiron t'i vërë flakën rajonit

Sociologu Vladimir Vuletiq vlerësoi se kryeministri i Kosovës, Albin Kurti, ka padurim të madh që, nëse është e mundur, t'i vërë flakën rajonit, të mohojë Rezolutën 1244, e cila, siq tha ai, është e mundur nëse do të lindte një konflikt i ri, transmeton RTV.

“Kurti shfrytëzon çdo mundësi dhe në çdo vend për të rritur tensionet, për të provokuar konflikt”, tha Vuletiq për Tanjug.

I pyetur se si do ta komentonte vizitën e Kurtit Tetovës, ai tha se në kohë të tilla të turbullta ekziston rreziku serioz për ndezjen e një zjarri të vogël që lehtë mund të përfshijë të gjithë rajonin, pikërisht për shkak se disa çështje nuk janë zgjidhur.

“Ajo në të cilën Kurti po mbështet është se NATO-ja do të përfshihet në konflikt, kjo është një strategji dhe politika”, tha sociologu dhe shtoi se nuk ka dyshim se NATO dhe shumica e vendeve perëndimore që e kanë njohur Kosovën do të jenë ata që do të mbronin sigurinë e Kosovës.

Siç ka theksuar, Kurti po mundohet që në të gjitha këto ta përfshijë edhe rajonin, nëse është e mundur.

I pyetur për të komentuar deklaratën e Kurtit se Maqedonia e Veriut duhet të jetë më afër Kosovës, Shqipërisë dhe Bullgarisë dhe sa më shumë largë nga presidenti i Serbisë, Aleksandar Vuçiq, ai thotë se liderët lokalë në këto kohë të trazuara, kur edhe OKB-ja nuk është më gjatë se çfarë ishte, kur Këshilli i Sigurimit i OKB-së nuk e ka fuqinë që kishte dikur, ata po përpiqen të gjejnë atë lloj marrëveshjeje që u përshtatet atyre në planin afatgjatë.

“Nuk bëhet fjalë vetëm për Tetovën, por aspiratat e Shqipërisë së Madhe janë shumë më të gjera dhe përfshijnë jo vetëm pjesë të Shqipërisë dhe Kosovës, por edhe pjesë të Greqisë dhe Serbisë”, tha Vuletiç dhe theksoi se në rajon ka disa çështje të pazgjidhura – shqiptare, por edhe çështja kombëtare serbe.

Kurti, thotë Vuletiç, nuk ka aleatë në Shqipëri për momentin.

“Edi Rama është ende i orientuar drejt Europës, por aq më tepër Kurti po mbështet në faktin se mund të fitojë mbështetjen e shqiptarëve në Shqipëri dhe të vendoset si lideri mbarëshqiptar”, tha ai.

I pyetur se sa të ndershme janë narrativat e Prishtinës për normalizimin e marrëdhënieve, Vuletiç thotë se për ta ky normalizim do të thotë njohje e Kosovës.

“Në këtë kuptim janë të sinqertë”, theksoi sociologu.

Sipas tij, gjithçka që po ndodh është një përpjekje për të ushtruar presion ndaj Perëndimit, për të ushtruar presion ndaj Beogradit, sepse nëse kjo nuk ndodh, çështja shqiptare do të shtrihet në Maqedoninë e Veriut, e cila është një vend jashtëzakonisht i cenueshëm.

Vuletiç përkujtoi ngjarjet në Kumanovë, se pavarësisht se ka zgjidhje, ku marrëdhëniet mes maqedonasve dhe shqiptarëve janë futur në marrëdhënie politikisht korrekte, shumë pak duhet për të prishur stabilitetin.

Duke komentuar letrën, të cilën pak më shumë se 50 deputetë të Parlamentit Evropian ua kanë dërguar zyrtarëve të SHBA-së, BE-së dhe Britanisë së Madhe, duke kërkuar qëndrim më të rreptë ndaj presidentit Vuçiq, sociologu thotë se qëndrimi i deputetëve ndër të tjera gjërat, duhet parë si një presion për të ndryshuar politikën aktuale që ai e percepton Beogradin si një aktor dhe faktor të rëndësishëm të stabilitetit në Ballkan.

“Të bëjmë presion mbi Beogradin dhe Serbinë që ta zvogëlojnë Serbinë në masën më të vogël të mundshme, të njohin Kosovën dhe Metohinë, t'i kthejnë shpinën Republika Srpska dhe Dodik, të ndalojnë ndërhyrjen, mbështetjen dhe ndihmën ndaj serbëve në rajon”, tha Vuletiç dhe shtoi se nuk do mbaronte me kaq.