Markoviq: Pas spekulimeve të elitave politike në Kosovë për numrin e serbëve qëndron synimi për të shmangur BKS

Nikolla Markoviq, studiues në Institutin për Politikë dhe Ekonomi Ndërkombëtare në Beograd, ka deklaruar për Kosovo online se deklarata e kryeministrit të Kosovës, Albin Kurti, se në Kosovë ka më pak serbë se sa shqiptarë në Serbi, nuk është rastësi, sepse siç thotë ai, sapo të fillojë numërimi i serbëve, është e qartë se pas tij qëndron synimi i qeverisë në Prishtinë për të shmangur zbatimin e marrëveshjeve që ka nënshkruar, sipas të cilave është e detyruar të formojë Bashkësinë e komunave serbe.

Kurti bëri një deklaratë për numrin e serbëve në Kosovë për Hayat TV të Sarajevës gjatë një vizite të fundit në atë qytet, dhe zëvendësi i tij në qeveri, Besnik Bislimi, ka bërë të njëjtin vlerësim dy ditë më vonë në rrjetin social “X”.

Markoviq beson se synimi i elitës politike në Kosovë për të reduktuar ndjeshëm numrin e serbëve konfirmohet edhe nga thirrjet e Selim Pacollit, vëllait të kryetarit të Aleancës Kosova e Re, Behgjet Pacolli, për një stuhi të re kundër serbët.

“Vitin e kaluar kanë njoftuar se do t'u merren 150 banesa serbëve në pjesën veriore të Mitrovicës dhe tani një synim i tillë shfaqet edhe në qytetet e tjera të veriut, gjë që serbëve nuk u garanton se është e mundur çdo lloj bashkëjetese mes shqiptarëve dhe serbëve”, thotë Markoviq.

Sipas Markoviqit, askush nuk e di saktësisht se sa serb ka në Kosovë dhe ato shifra nuk mund të dalin nga hamendjet e elitave në Kosovë, të cilët flasin për këtë në bazë të vlerësimit të tyre, ndërsa serbët po terrorizohen çdo ditë.

Ai thotë se në të njëjtën kohë është në pikëpyetje se sa shqiptarë ka në Kosovë, pavarësisht nga të dhënat nga regjistrimi i popullsisë që është bërë në Kosovë gjatë muajve prill dhe maj të këtij viti, sepse një numër i madh i tyre jetojnë në diasporë.

“Një numër i madh i njerëzve janë kthyer për t'u regjistruar në Kosovë. Në anën tjetër, sa i përket serbëve, ata nuk kanë dashur të marrin pjesë në regjistrim për shkak të synimeve të të ashtuquajturit shtet të Kosovës ndaj tyre në periudhën paraprake, gjë që është logjike. Nëse ju keni represion kundër një populli dhe shtrembëroni atë që keni nënshkruar dhe nuk dëshironi të zbatoni, si mund të prisni që dikush ta bëjë regjistrimin në mënyrë të vlefshme?”, thekson Markoviq.

Siç shton ai, nëse shikohen tregues si numrat e celularëve apo sasia e bukës që nevojitet për të ushqyer popullatën, atëherë nuk janë 1.6 milionë shqiptarë, siç pretendohet në Prishtinë, por dukshëm më pak.

“Në fillim të vitit 2024 u hoqën vizat dhe u hap rruga për në vendet e Evropës Perëndimore për shqiptarët e Kosovës dhe llogaritet se vetëm në dy muajt e parë nga Kosova janë larguar nga 80.000 deri në 90.000 persona”, thotë bashkëbiseduesi ynë.

Ai shton se nuk është rastësi që Kurti ka bërë një deklaratë për numrin e serbëve në Sarajevë, pas së cilës ka shkuar në Zagreb dhe ka folur para kryeministrit të Kroacisë, Andrej Plenkoviq, se si Serbia nuk është shtet demokratik, dhe se demokracia nuk ka ekzistuar kurrë në Serbi.

“Është disi iluzore që një njeri, shteti i të cilit nuk ka zgjidhur më shumë se njëqind sulme ndaj serbëve në dy vitet e fundit, po e thotë këtë, dhe i cili cënon çdo ditë të gjitha dispozitat e traktateve ndërkombëtare dhe të ligjeve të brendshme. Qeveria e Kosovës me vite nuk ka dashur të zgjidhë çështjen pronësore të Manastirit të Deçanit, edhe pse për këtë ka pasur vendim nga Gjykata Kushtetuese e Kosovës”, kujton Markoviq.