Meloni: Italia do të jetë me Serbinë në rrugëtimin e saj europian

Kryeministrja e Italisë, Giorgia Meloni, pas takimit me presidentin e Serbisë, Aleksandar Vuçiq, theksoi se bashkëpunimi ndërmjet Serbisë dhe Italisë është në nivel shumë të lartë dhe se pret që në periudhën e ardhshme të jetë edhe më i mirë.

"Vuçiq ishte një mikpritës i jashtëzakonshëm, gjithçka që përjetuam këtu ishte jashtëzakonisht e bukur dhe unë i jam mirënjohës për këtë. Kjo është vizita ime e parë në Serbi. Marrëdhëniet tona mund të jenë edhe më të mira dhe të zhvillohen edhe më shumë. Kam pasur mundësinë me presidentin Vuçiq të shihemi, por besoj se një vizitë e tillë duhej të kishte ndodhur”, tha Meloni në një konferencë të përbashkët për shtyp.

Ajo shtoi se Serbia dhe Italia kanë bërë shumë së bashku.

"Ne kemi bërë shumë së bashku. Shkëmbimi ynë tregtar është vërtet një sukses i madh. Shumë ndërmarrje, kompani, mund të ketë më shumë investime, më shumë vende të reja pune. Mendoj se Beogradi është qyteti i parë në botë ku kompanitë italiane kanë hapur Zyrat. Kjo tregon se sa shumë i kushtojmë vëmendje se sa vëmendje i kushton Serbisë bota jonë sipërmarrëse. Puna që po bën presidenti Vuçiq dhe qeveria është gjithashtu e rëndësishme. Janë arritur rezultate të mëdha, të cilat janë të jashtëzakonshme", tha Kryeministrja italiane.

Ajo u shpreh e kënaqur që ka liderë që e kuptojnë se sa e rëndësishme është përmirësimi i marrëdhënieve për hir të ekonomisë.

“Marrëdhëniet tona tregojnë rëndësinë strategjike që ka Serbia për Italinë dhe për këtë arsye ne do të jemi në radhët e para ndër vendet që avokojnë për zgjerimin dhe ribashkimin e Evropës. Evropa nuk është një klub për të cilin dikush duhet të vendosë se kush do të jetë atje dhe kush jo. Është shumë e rëndësishme që të ndodhë ribashkimi i të gjithë Evropës, kur shikojmë skenarin në të gjithë botën”, tha Meloni.

Ajo tha se për Italinë është e rëndësishme që Ballkani Perëndimor “të hyjë në familjen evropiane” dhe shtoi se Italia do të jetë me Serbinë në rrugën evropiane.

"Unë e di që Serbia do të vazhdojë të ketë një qasje konstruktive ndaj dialogut me Kosovën. Italia e mbështet fuqishëm atë proces dhe ne po punojmë që të gjitha detyrimet që kanë marrë palët të realizohen", tha Meloni.