Nastiq: Serbët në Kosovë jetojnë me frikë, Berlini nuk i bën presion Prishtinës

Deputetja e së Majtës në Bundestagun gjerman, Zhakllin Nastiq, tha se presioni për çështjen e Kosovës ushtrohet vetëm mbi Beogradin, por jo edhe mbi Prishtinën dhe ata që politikisht i tërheqin fijet në Kosovë, duke theksuar se njëanshmëria e tillë është një “çek bosh për Kryeministrin e Kosovës Albin Kurti të bëj çfarë do ai", raporton Deutsche Welle.

Nastiq u ruajt nga dy anëtarë të armatosur të Institutit Federal Gjerman për Luftën kundër Krimit gjatë udhëtimit të tij në Kosovë në mars.

Siç tha Nastiq tani për gazetën Junge Welt, kjo është për shkak të "fyerjeve më të tmerrshme, kërcënimeve me vdekje, fantazive për përdhunim" që ajo merr shpesh nga "nacionalistët shqiptarë".

Nastiq, e cila si një pjesë e mirë e partisë së saj kundërshton pavarësinë e Kosovës, ka vizituar fshatin Gotovushë ku një pjesëtar i policisë së Kosovës ka plagosur dy të rinj serbë në Ditën e Buzmit. Ajo kritikoi faktin se sulmuesi është vetëm në arrest shtëpiak dhe nuk është akuzuar për tentativë vrasje.

"Kjo tregon shumë për sundimin e supozuar të ligjit në Kosovë," tha ajo.

Nastiq thotë se serbët jetojnë në frikë dhe një atmosferë kërcënimesh të vazhdueshme dhe se mesatarisht shënohen tre sulme në ditë kundër tyre.

"Pakicat kanë frikë se janë lëshuar për një gjuajtje falas. Të gjithë shohin se është e mundur thjesht të përpiqesh të vrasësh njerëz dhe të lirohesh. Askush nuk dënohet vazhdimisht për këtë ose duhet të shkojë në burg. Është vërtet e frikshme“, tha Nastiq.

Ajo shton se serbët që ishin të paktën 18 vjeç në 1999 jetojnë me frikën se mund të akuzohen për krime lufte pa prova.

“Ka frikë të mëdha sepse situata tani është shpërthyese, siç nuk ka qenë prej vitesh”, shtoi Nastiq.

Ajo thekson se një bashkëbisedues i rëndësishëm, emrin e të cilit nuk ka mundur ta zbulojë, i ka thënë se me ish-presidentin Hashim Thaçi ende mund të flitet, ndryshe nga kryeministri aktual Kurti.

“Që kur Kurti është në pushtet, nuk ka më dialog mes Serbisë dhe Kosovës, gjithçka zhvillohet vetëm përmes BE-së. Nuk ka më përpjekje për të gjetur zgjidhje të përbashkëta. Këtë e ndjejnë njerëzit drejtpërdrejt, jo vetëm serbët, por edhe shqiptarët, për te cilet po ashtu gjendja nuk është e mirë. Le të themi në Mitrovice, ku edhe serbet e veriut te qytetit blinin nga fqinjët e tyre shqiptare nga pjesa jugore. Tani frika nga sulmet është aq e madhe sa nuk e bëjnë këtë më. Tregtarët e ndjejnë”, tha deputetja gjermane.

Akuza ndaj autoriteteve gjermane

Sipas saj, Berlini zyrtar nuk arrin t'i bëjë presion Prishtinës për të qetësuar situatën.

"Kjo përshtatet në faktin se këtu konflikti është nënvlerësuar dhe faji i atribuohet në mënyrë të njëanshme Serbisë. Presioni është vetëm mbi Beogradin, por jo mbi Kurtin dhe ata që i tërheqin fijet politike në Kosovë. Njëanshmëria e tillë është një çek bosh për Kurti të bëjë çfarë të dojë”, beson Nastiq.

Nastiq akuzon Ministren e Jashtme gjermane Analena Berbok se interpreton të drejtën ndërkombëtare siç e sheh të arsyeshme, duke dënuar kështu shkëputjen e pjesëve të Ukrainës lindore, por nuk bën të njëjtën gjë kur bëhet fjalë për "agresionin e NATO-s, dhe rrjedhimisht Gjermanisë" kundër Serbisë në 1999. .

Në fund të bisedës me Junge Welt, Nastiq mirëpret procedurat që po zhvillohen aktualisht në Hagë kundër Thaçit dhe të tjerëve.

"Për mua, UÇK-ja është një organizatë terroriste. Është e rëndësishme që krimet e luftës nga të gjitha anët të ndiqen pa lënë gjurmë - kjo, meqë ra fjala, përfshin edhe NATO-n. Vendet perëndimore më në fund duhet të hapin dosjet e tyre", përfundoi ajo.