Novakoviq: Jam skeptik për zbatimin e BKS-së

Propozimi për draft-statutin e Bashkësisë së Komunave Serbe, të cilin peseshja e madhe ia ofroi Beogradit dhe Prishtinës dy javë më parë, ende nuk është zbuluar nga të dyja palët dhe Igor Novakoviq nga Qendra për Çështje Ndërkombëtare dhe Siguri beson se me siguri është e harmonizuar me Kushtetutën e Kosovës dhe se përmban disa elemente që nuk ishin paraparë në Marrëveshjen e Parë të Brukselit të vitit 2013 dhe marrëveshjen e vitit 2015.

“Aleksandar Vuçiq dhe Albin Kurti veçmas kanë thënë se ka pasur një marrëveshje me përfaqësuesit evropianë që të mos diskutohet publikisht për përmbajtjen e draftit, por ka shumë mundësi që të ketë disa elementë që nuk ishin paraparë në marrëveshjen e vitit 2015, pra me Marrëveshjen e Parë të Brukselit nga viti 2013”, ka thënë Novakoviq për Kosovo online.

Siç thekson ai, ka shumë gjasa që ky dokument të jetë i harmonizuar me Kushtetutën e Kosovës dhe shton se është e mundur që ka disa elemente që lidhen me 15 modelet e praktikës së mirë evropiane që më herët i ka përmendur përfaqësuesi special i Bashkimit Evropian për dialogun ndërmjet Beogradit dhe Prishtinës, Miroslav Lajçak.

Novakoviq thekson se gjatë raportimit të datës 21 tetor për vetë rrjedhën e takimit me pesëshja e madhe, është përmendur se statuti ka marrë parasysh edhe një nga ato modele.

“Ajo që është, është shumë mosmirënjohëse të thuhet, por supozoj se është në përputhje me atë që është rënë dakord në marrëveshjen nga Brukseli këtë vit, ku përsëri kemi një përmendje të praktikave më të mira evropiane. Ky është neni 7, i cili flet për të drejtën e vetëqeverisjes për pakicën serbe në Kosovë dhe ato praktika evropiane”, shton Novakoviq.

Pavarësisht se kryeministri i Kosovës, Albin Kurti, ka thënë se propozimi i pesëshes është “kornizë e mirë për diskutime të mëtejshme”, Novakoviq thotë se është skeptik për zbatimin e BKS-së.

“Problemi themelor këtu është se e gjithë platforma politike e Kurtit që nga viti 2014 ka qenë e bazuar në kundërshtimin ndaj negociatave, pra në kundërshtimin e asaj që është rënë dakord. Çështja e Komunitetit ishte vendimtare në vitin 2015, kur hodhën gaz lotsjellës në Kuvend dhe kur pati protesta në rrugë, kështu që e ka shumë të vështirë ta mbrojë tani formimin e atij organi, pavarësisht se cila është baza", thotë Novakoviq, i cili beson se negociatat me siguri do të vazhdojnë.

Formalitetet për të cilat insiston Kurti - nënshkrimi i propozimit dhe kontrollimi i kushtetutshmërisë së draft-statutit nga Gjykata Kushtetuese e Kosovës, siç mendon Novakoviq, do të rezultojnë të jenë pengesa kryesore për pranimin e Bashkësisë së Komunave Serbe.

“Vetëm pranimi i BKS-së do t'i kushtojë politikisht Kurtit dhe Vetëvendosjes dhe përveç atyre paragjykimeve ideologjike, kjo është një nga arsyet pse jam skeptik për zbatimin e asaj dispozite të marrëveshjes”, thekson Novakoviq.