Odallovicq: Situata në Kosovë kërkon një përgjigje serioze nga bashkësia ndërkombëtare

Kryetari i Komisionit për Persona të Zhdukur të Qeverisë së Serbisë, Velko Odalloviq, ka thënë se situata në Kosovë kërkon një përgjigje serioze nga bashkësia ndërkombëtare, në radhë të parë nga ata që duhet të jenë garantues i stabilitetit, raporton RTV.

Siç tha ai, nëse ardhja e përfaqësuesit të posaçëm të BE-së për dialogun, Mirosllav Lajçak, dhe të dërguarit të SHBA-së për Ballkanin Perëndimor, Gabriell Eskobar, në Beograd, i shërben qëllimit të qetësimit të tensioneve dhe zgjidhjes së problemeve në Kosovë, gjë që, siç tha ai, ishte e shkaktuar nga kryeministri i Kosovës, Albin Kurti, pra kjo duhet përshëndetur.

“Kemi një situatë që kërkon përgjigje serioze nga bashkësia ndërkombëtare, në radhë të parë nga ata që duhet të jenë garantues i stabilitetit në Kosovë. Nuk është Kurti, as forcat e tij të sigurisë kosovare, siç i quan ai. Është UNMIK-u, KFOR-i, dhe EULEX-it në mandatin që i ishte lënë”, theksoi Odalloviqi.

Duke komentuar deklaratat se nuk do të pranohet kërkesa e Serbisë për kthimin e një numri të caktuar të forcave serbe të sigurisë në Kosovë, që buron nga Rezoluta 1244 e Këshillit të Sigurimit të OKB-së, me pëlqimin e KFOR-it, Odalloviq thotë se shtrohet pyetja themelore se çfarë po bëjnë ushtarët e tyre dhe në mandatin e të cilit janë.

“Sipas cilës rezolutë janë ushtarët gjermanë apo amerikanë në territorin e Kosovës, nëse nuk është Rezoluta 1244 dhe Marrëveshja e nënshkruar e Kumanovës”, ka theksuar Odalloviq.

Ai shtoi se komandanti i KFOR-it duhet të përgjigjet dhe të shpjegojë kur ta pranojë kërkesën.

"Mund të jetë një përgjigje negative, por kjo është një mënyrë për të rikthyer në jetë Rezolutën 1244," vuri në dukje ai.

Sipas tij, ky është momenti kur sa i përket misionit ndërkombëtar duhet të merret një përgjigje se çfarë mund të ofrojnë ata në Kosovë si garantues i ligjit dhe standardeve ndërkombëtare.