Pantiq Pilja: Fitorja e vogël e Serbisë në Këshillin e Evropës, ndihmë e madhe nga deputetët e Spanjës, Qipros, Hungarisë...

Kërkesa e Kosovës për marrjen e statusit të mysafirit special në Asamblenë Parlamentare të Këshillit të Evropës është hequr sot nga rendi i ditës i Komisionit Politik të APKE-së, me shumicën e madhe të anëtarëve të Komisionit që votuan pro. Për heqjen e kësaj pike ishin 21 deputetë dhe dhjetë pro, ka thënë për Kosovo online, Biljana Pantiq Pilja, kryetare e delegacionit parlamentar serb në APKE.

Disa anëtarë të Komisionit, i cili ka mbi 80 deputetë, abstenuan, ndërsa disa nuk ishin në sallë kur u votua rendi i ditës.

“Kjo është fitorja jonë e vogël. Kërkesën e Kosovës e mbajtëm jashtë agjendës me ndihmën e madhe të kolegëve tanë nga Spanja, në radhë të parë Pablo Hispania. Deputetët e Qipros, aleatët tanë tradicionalë, si dhe deputetët e vendeve që e njohin Kosovën nga Hungaria dhe Gjermania, si Andrej Hunko. Zëri i tyre u dëgjua sot”, tha Pantiq Pilja.

Prishtina me një letër të dërguar në fund të nëntorit të vitit të kaluar ka kërkuar statusin e mysafirit special në APKE dhe një shans i ri për të qenë në rend dite do të jetë në seancën e ardhshme të APKE-së.

Rezultati i sotëm në Komisionin Politik do të thotë se Kosova mbetet në statusin e “Delegacionit të Dytë” në APKE.