Pavkoviq: Me fitoren e të djathtëve në Parlamentin Europian dialogu mes Beogradit dhe Prishtinës bie në plan të dytë

Hulumtuesi i Qendrës për politika europiane Millosh Pavkoviq vlerëson se në rast fitoreje të partive të djathta në zgjedhjet për Parlamentin Europian do të thotë se dhe negociatat mes Beogradit dhe Prishtinës nuk do të jenë më në plan të parë të BE, çka do të hapte çështjen e "tensioneve të reja dhe akteve të njëanshme".

“Nëse forcat e djathta do të fitojnë kjo mund të thuhet se dialogu mes Beogradit dhe Prishtinës nga perspektiva e BE, do të bjerë në plan të dytë dhe se nuk do të jetë e fokusuar ashtu sikurse ka qenë deri më sot. Atëherë kjo do të çelë çështjen e tensioneve të reja potenciale dhe akteve të njëanshme të cilat Europa nuk do të ketë kapacitete ndoshta nuk do të ketë dëshirë t’i ndalë apo me to aktivisht të argëtohet” ka thënë Pavkoviq për Kosovo onlajn.

Sipas fjalëve të tij zgjedhjet për Parlamentin Europian mund të sillnin pikërisht këtë lloj surprize sepse nga thirrja e ardhshme e parlamentit europian, varet dhe zgjedhja e drejtuesve të rinj e Bashkimit Europian.

“Nëse do të vijnë deri tek ndonjë surprizë e madhe dhe ndryshime në raportet e të fortëve mes partive, kjo definitivisht do të reflektojë në zgjedhjen e presidentit të Komisionit Europian dhe Këshillit Europian dhe do të ndikojë edhe në dialogun mes Beogradit dhe Prishtinës. Se si do të reflektohet kjo, sigurisht që do të varet nga partitë politike që do të kenë supermaci në Parlamentin Europian”, thotë Pavkoviq.

Ky i fundit spegon se forcimi i frontit të djathtë në BE nuk tregohet vetëm nga sondazhet e opinionit publik, por edhe nga rezultatet zgjedhore të Mark Vildersit në Holandë apo AFD në Gjermani.

Arsye tjetër e fortë e shikon në faktin se për anëtarët e BE, zgjedhjet për Parlamentin Europian janë ende të rëndësisë sekondare.

“Kur marrim parasysh se zgjedhjet për Parlamentin Europian në shtetet anëtare në një farë mënyre besohen të jenë dorës së dytë në raport me zgjedhjet kombëtare dhe se aty partitë ekstremiste që përkundër nuk janë tepër të njohura në zgjedhjet kombëtare, marrin shumë më tepër mbështetje se zakonisht, mund të presin surpriza të mëdha dhe në zgjedhjet për Parlamentin Europian”, ka thënë Pavkoviq.