Përfaqësuesit e Listës Serbe në Uashington kanë biseduar me Eskobarin

Përfaqësuesit e Listës Serbe, Igor Simiq dhe Sllavko Simiq, kanë pasur sot në Departamentin e Shtetit një takim me Zëvendës Ndihmës Sekretarin e Shtetit dhe Përfaqësuesin Special të SHBA-së për Ballkanin Perëndimor, Gabriel Eskobar.

Në takim është përcjellë qëndrimi i komunitetit serb për situatën politike dhe të sigurisë në Kosovë, për nevojën e respektimit të marrëveshjeve të nënshkruara, duke përfshirë edhe marrëveshjet për formimin e Bashkësisë së Komunave Serbe, si dhe për udhërrëfyesin për deeskalimin e situatës në veri të Kosovës.