Petkoviq falënderoi Rokfej për deklaratën e Francës "që Igor Popoviqi të lirohet menjëherë"

Drejtori i Zyrës për Kosovë e Metohi Petar Petkoviq, bisedoi sot me drejtorin e Drejtorisë për Europën Kontinentale në Ministrinë për Europën dhe Punët e Jashtme të Francës, Bris Rokfejn të cilin e falënderoi për deklaratën e Ministrisë për lirimin e menjëhershëm të Igor Popoviqit, njoftoi Zyra për K&M.

Petkoviq falënderoi Rokfej për rolin konstruktiv të Francës në ruajtjen e paqes dhe stabilitetit në Ballkanin Perëndimor, çka reflektohet edhe në marrëdhëniet shumë të ngushta mes dy vendeve dhe presidentëve Aleksandar Vuçiq dhe Emanuel Makron.

Petkoviq i tha bashkëbiseduesit se privimi nga liria i Igor Popoviqit është një tjetër në serinë e lëvizjeve eskaluese nga Prishtina, e cila përditë me lëvizje të njëanshme shkakton kriza dhe tensione të reja në territorin e Kosovës të drejtuara ndaj popullit sërb njoftoi Zyra për K&M.

Në këtë mënyrë, Prishtina po minon dhe shtyp të gjitha arritjet e dialogut të zhvilluar në Bruksel dhe po shkatërron mundësinë e normalizimit të raporteve me Beogradin, paralajmëroi Petkoviq.

“Beogradi prej fillimit nuk ka pasur në Prishtinë partner të besueshëm dhe kredibil tek dialogu sepse marrëveshjet e arritura shkelen ose nuk zbatohen, siç është rasti i formimin e Bashkësisë së Komunave Sërbe, të cilin populli ynë e ka pritur për më shumë se 12 vjet. Në vend që të zotohen në atë drejtim dhe të respektojë marrëveshjen nga Brukseli në vitin 2013, Prishtina arreston ndihmësin e Zyrës për K&M i cili vetë si jurist mori pjesë në faza të ndryshme të dialogut. Ky është një sulm jo vetëm ndaj të drejtave të njeriut të sërbëve, por edhe ndaj vetë thelbit të dialogut”, nënvizoi Petkoviq.

Ky i fundit shtoi se lëvizjet e njëanshme, dhuna institucionale, dëbimi i sërbëve dhe terrori fizik ndaj popullit sërb, janë shtylla kurrizore e politikës së Albin Kurtit në Kosovë.

“Krijimi i krizës në veri të K&M shërben vetëm për të maskuar krizën politike që Kurti ka në Prishtinë dhe që përforcohet me afrimin e zgjedhjeve vendore të 12 tetorit”, konkludoi Petkoviq.