Petkoviq: Gjashtë serbë nga Shtërpca lirohen nga paraburgimi

Drejtori i Zyrës për Kosovë dhe Metohi, Petar Petkoviq, ka bërë të ditur se gjashtë serbë nga Shtërpca janë liruar nga paraburgimi.

Në rrjetin social X ai ka shkruar se janë liruar Bratisllav Nikolliq, Sasha Millosavleviq, Dimitrije Raçiqeviq dhe Dragomir Millosavleviq, Sasha Spasiq dhe Jadran Kostiq.

“Bratisllav Nikolliq, Sasha Millosavleviq, Dimitrije Raçiqeviq dhe Dragomir Millosavleviq, Sasha Spasiq dhe Jadran Kostiq kaluan një vit e nëntë muaj në kazamatin e Kurtit pa asnjë arsye. Ata kanë vuajtur dhe janë ndarë nga familjet e tyre vetëm pse janë serbë. Shteti i Serbisë do të vazhdojë të jetë me ta dhe me të gjithë bashkatdhetarët tanë të arrestuar padrejtësisht”, ka bërë të ditur Petkoviq.