Petkoviq: Keqtrajtimi i maturantit në Mitrovicën e Veriut është pamja që duhet ta shohë Kallas

Drejtori i Zyrës për Kosovë dhe Metohi, Petar Petkoviq, ka theksuar se ngjarja në Mitrovicën e Veriut, ku një polic kosovar e kap për qafe një maturant serb në shëtitore, është një pamje që duhet ta shohë përfaqësuesja e lartë e BE-së, Kaja Kallas.

“Policia e Kurtit po e kap për qafe një fëmijë serb që po feston maturën me shokët në zonën për këmbësorë në Mitrovicën e Kosovës! Kjo është pamja e veriut sot, të cilën duhet ta shohë edhe Kaja Kallas! Çfarë do të kishte ndodhur po të mos kishte pasur dëshmitarë?”, ka shkruar Petkoviq në rrjetin social “X”.

Incidentin e sotëm e ka dënuar edhe Zyra për Kosovë dhe Metohi.

„Policia e ashtuquajtur e Kosovës e Kurtit nuk përmbahet nga asgjë, madje as nga keqtrajtimi dhe frikësimi i maturantëve serbë në Mitrovicën e Kosovës“, thuhet në deklaratë.

Nga Zyra për KeM pyesin se çfarë do të kishte ndodhur me maturantin serb sikur gjithçka të mos kishte ndodhur gjatë ditës, dhe shtojnë se është mirë e njohur që Policia e Kosovës, kur bëhet fjalë për fëmijët serbë, tejkalon detyrën e saj.

„Sa e madhe është urrejtja dhe mosdurimi i Prishtinës dhe strukturave të saj ndaj gjithçkaje që është serbe, dëshmon edhe incidenti i sotëm i papranueshëm në pjesën veriore të Mitrovicës së Kosovës, kur disa pjesëtarë të Policisë së Kosovës e rrethuan, shtynë dhe provokuan një të ri serb, maturant, e kapën për qafei dhe iu drejtuan në gjuhën shqipe. Pyetja është çfarë do të kishte ndodhur më tej me maturantin serb, po të mos kishte ndodhur gjithçka në mes të ditës dhe para shumë dëshmitarëve – qytetarëve dhe profesorëve të tij, sepse është më se e njohur që Policia e Kosovës, kur bëhet fjalë për fëmijët serbë, tejkalon kompetencat, përdor forcë të tepruar, i rreh dhe i ndalon pa asnjë arsye apo sqarim,“ thuhet në deklaratë.

Ata theksojnë se kjo është pamja e mohim të të drejtave, shtypjes dhe terrorit në të cilin jetojnë dhe ndaj të cilit janë të ekspozuar serbët në Kosovë, dhe nga e cila nuk kursehen as fëmijët.

„Këto incidente të provokuara nga Policia e Kosovës e Kurtit tregojnë se ata në veri të Kosovës dhe Metohisë nuk janë për të mbrojtur dikë, por për të provokuar dhe frikësuar serbët dhe fëmijët serbë. Çdo prind që është dëshmitar i këtyre ngjarjeve, me të drejtë është i shqetësuar dhe i zemëruar për shkak të sjelljeve të dhunshme të policisë monoetnike të Kurtit, e cila nuk ka çfarë kërkon në veri të Kosovës dhe Metohisë, e aq më pak të kapë për fyti të rinjtë serbë, t’i shtyjë dhe të tentojë t’i ndajë nga familja dhe miqtë e tyre“, thuhet nga Zyra për KeM.

Ata theksojnë se videon e sjelljes së turpshme duhet ta shikojnë të gjithë përfaqësuesit e Bashkimit Evropian dhe misioneve ndërkombëtare, dhe të pyesin veten pse kudo në botë fëmijët kanë të drejtë të festojnë fundin e shkollës, vetëm rinia serbe në Kosovë është e ekspozuar ndaj ndjekjes dhe hakmarrjes nga ata që kërkojnë edhe arsyen më të vogël për të demonstruar forcë ndaj tyre.

Sipas videove që qarkullojnë në rrjetet sociale, incidenti i sotëm ka ndodhur në zonën e këmbësorëve në veri të Mitrovicës, pranë urës kryesore mbi Ibër. Pamjet filmike tregojnë se një anëtar i Policisë së Kosovës sulmoi një nxënës serb të shkollës së mesme dhe e kapi për qafe disa herë.

Maturantët e shkollave të mesme po festonin sot mbylljen e vitit shkollor dhe, kur po kalonin pranë shëtitores, videot tregojnë se ata po hidhnin dhe tregonin me duar shenjën e shqiponjës dykrenare nga kafenetë ku ishin ulur shqiptarët.