Petkoviq: Kurti do krizë, një gënjeshtër absolute se Beogradi po përgatitet për një sulm

Drejtori i Zyrës për Kosovë dhe Metohi ka thirrur për sot një konferencë të jashtëzakonshme për media, me qëllim që t'i drejtohet publikut pas akuzave të fundit të kryeministrit të Kosovës Albin Kurti se Serbia po përgatitet të sulmojë Kosovën, duke thënë se kjo është një gënjeshtër absolute dhe se Kurti nuk do normalizim të marrëdhënieve por krizë.

“Ne, presidenti dhe përfaqësuesit e Qeverisë së Serbisë, i jemi përgjigjur vazhdimisht të gjitha gënjeshtrave që dalin nga goja e Albin Kurtit, i cili po përpiqet të mbulojë situatën e vërtetë në Prishtinë dhe gjendjen katastrofike ekonomike dhe të shtënat thuajse të përditshme. Ai përdor temën e Banjskës dhe veriun e Kosovës, që tregon qartë se ai njeri nuk dëshiron të formojë AKS, se nuk dëshiron normalizim të marrëdhënieve, por krizë”, tha Petkoviq.

Petkoviq thekson se është gënjeshtër absolute se Beogradi po përgatitet për sulm dhe se nuk ka stërvitje në stërvitore.

“Është një mënyrë për t'iu shmangur obligimeve që ka në dialog, sepse tani kemi ardhur në momentin që të flasim për hapat konkretë për formimin e AKS”, thekson Petkoviq.

Drejtorët e Zyrës për KdheM thonë se “Sveçla nuk po flet për sulmet që ndodhin çdo ditë kundër serbëve në KeM, për bastisjet dhe konfiskimet e mallrave të serbëve në KdheM që po ndodhin tani”.

Ndalon zgjedhjet serbe dhe organizon zgjedhje për kryetarë të rremë komunash në disa kontejnerë

“Kur qytetarët nga veriu u përpoqën të bënin peticion për largimin e kryetarëve të rrejshëm, të gjithë ishit dëshmitarë të cirkut të bërë nga KQZ dhe kryetarët fallco sepse Kurti nuk dëshiron t'i tërheqë, por të ndryshojë realitetin. Prandaj shpronësimet e paligjshme dhe ndërtimi i një baze të re afër Zveçanit dhe ngacmimi i njerëzve. Beogradi avokon për normalizim, për dialog, për Ballkanin e Hapur, por Kurti nuk është i interesuar për këtë, ai do të donte vetëm të sulmonte serbët", thotë Petkoviq.

Petkoviq po ashtu theksoi se (autori Kurti dhe Sveçla) në konferencë kanë thënë se njerëzit që ishin në Banjskë kishin armë të prodhuara nga Serbia, "prandaj theksuam se ato armë i kanë edhe policët e Kosovës".

“Ne kemi trajnuar dhe kemi dhënë armë policies së Kosovës për të sulmuar serbët? Në pikat e Kurtit që i prezantoi dje, nuk ka AKS, thotë “do ta shkruaj statutin”, pastaj ndërhyn në procesin zgjedhor këtu në Beograd, e merr si të drejtë të flasë për zgjedhjet këtu. E keni të qartë se opozita në Beograd po bën të njëjtën punë me Kurtin, që është të dobësojë Aleksandër Vuçiqin dhe të sjellë ata që do ta njohin Kosovën e pavarur. Ndalon zgjedhjet serbe dhe organizon zgjedhje për kryetarë të rremë komunash në disa kontejnerë. Ky është edhe një mesazh për bashkësinë ndërkombëtare që të shohë se çfarë po bën Albin Kurti. Fatkeqësisht, ndodhi 24 shtatori dhe ne i dënuam ato ngjarje. Kur është fjala për Milan Radoiçiqin, organet kompetente shtetërore po bëjnë punën e tyre dhe këtu po ju them se nuk do të ketë sulme”, tha Petkoviq.

Ai shtoi se Kurti, duke përmendur familjen e presidentit serb Aleksandar Vuçiq, po vë në dyshim sigurinë e djalit të tij, Danillos.

“Kurti përmend sërish familjen e Vuçiqit, përmend Danillo Vuçiqin. Ai vë në dyshim sigurinë e Danillos. Kjo i ka tejkaluar të gjitha masat. Është e njëjta matricë e sulmeve ndaj familjes së presidentit Vuçiq si ajo që u bë gjatë fushatës së opozitës para zgjedhjeve“, tha Petkoviq.

Pse EULEX-i u refuzua të marrë pjesë në hetim?

“Sa kohë ka kaluar nga Banjska, pse ende nuk ka rezultate të autopsisë dhe hetimeve? Ne i kërkuam që patologët tanë të merrnin pjesë. Pse nuk i kanë treguar pamjet nga dronët, jo vetëm atë minutë apo dy, por të gjithë, që të shohim se kush nga policia e Kosovës ka marrë pjesë në sulmin ndaj serbëve? Pse EULEX-i u refuzua të marrë pjesë në hetim? Kur familjet i morën kufomat, në listë shkruan se autopsia është bërë më 25, kurse EULEX-i na ka thënë se është bërë më 26 shtator, pra çfarë po ndodh?”, ka pyetur Petkoviq.

Ai theksoi se është momenti i duhur që bashkësia ndërkombëtare të kuptojë qartë se kush është fajtori kryesor këtu, kush nuk e deshiron AKS, kush po i ndal targat KM, kush po e shkakton gjithë krizën në veri.

“Ata i treguan të gjithë pjesëmarrësve të incidentit në Banjskë, nuk ka njeri nga Serbia qendrore. Dua të them se Beogradi do të vazhdojë të kujdeset për popullin serb në KdheM, të shohim se çfarë mund të bëjmë para së gjithash në kuptimin financiar dhe ekonomik, edhe pse kushtet janë shumë të vështira, le të vazhdojmë t'i zbatojmë marrëveshjet, do të vazhdojmë të ruajmë paqen dhe stabilitetin, sepse këtë e kanë treguar qartë qytetarët e Serbisë në këto zgjedhje. Kurti nuk ia vlen të mbajë konferenca të tilla çdo ditë, nëse është e qartë se nuk ka dialog dhe progres në dialog. Ai do të shkruajë statutin e AKS me Rashiqin, i cili ka thën se AKS është një komunitet i harabelave. Kurti nuk është kompetent të shkruajë statutin”, ka përfunduar Petkoviq.