Petkoviq me ambasadorin e Sllovakisë: Kurti shkel rregullat e veta për t’i dëmtuar serbët në Kosovë

Drejtori i Zyrës për Kosovë dhe Metohi, Petar Petkoviq, e njoftoi ambasadorin e Sllovakisë në Serbi, Mihal Pavuk, për rrjedhën e dialogut ndërmjet Beogradit dhe Prishtinës, duke theksuar se Prishtina nuk ka qëllim të sinqertë për normalizimin e marrëdhënieve, por me veprime të njëanshme po rrënon marrëveshjet e arritura dhe të drejtat e popullit serb.

Siç thuhet në njoftimin e Zyrës për KeM, Petkoviq e informoi Pavukun edhe për një sërë hapash eskalues që regjimi në Prishtinë po ndërmerr kundër popullit serb.

„Petkoviq theksoi se nuk ekziston asnjë përcaktim i sinqertë i Prishtinës për normalizimin e marrëdhënieve dhe as për një dialog konstruktiv me Beogradin dhe se regjimi i Kurtit, çdo herë, ndërmerr hapa të njëanshëm dhe joligjorë me qëllim të rrënimit të dialogut dhe marrëveshjeve të arritura, ndër të cilat veçanërisht të Parin Marrëveshje të Brukselit për normalizimin e marrëdhënieve. Ai kujtoi se Prishtina tash 12 vjet refuzon ta formojë BKS“, thuhet në njoftim.

Ai i tërhoqi vërejtjen bashkëbiseduesit se mohimi i të drejtave të garantuara Listës Serbe në parlamentin e Prishtinës, i ndodhur dje, tregon se kryeministri i Kosovës në mandat teknik, Albin Kurti, është i gatshëm që, siç tha ai, të shkelë edhe rregullat e veta vetëm për të dëmtuar popullin serb dhe përfaqësuesit e tij të vetëm legjitimë.

„Pavarësisht pengesave të shumta nga Prishtina, Beogradi do të vazhdojë të jetë mbështetje edhe më e fuqishme për popullin serb në Kosovë dhe Metohi, si përmes fuqizimit ekonomik, ashtu edhe në betejën politike e diplomatike brenda dialogut në Bruksel“, thuhet në njoftimin e Zyrës për Kosovë dhe Metohi.