Petkoviq: Nga SHKP në Mitrovicën e Veriut varen dhjetëra mijëra qytetarë, Kurti dëshiron dëbimin e popullit serb

Drejtori i Zyrës për Kosovë dhe Metohi, Petar Petkoviq, ka deklaruar se është në zhvillim e sipër një aksion i Policisë së Kosovës në objektin e Shërbimit Kombëtar të Punësimit në Mitrovicën e Veriut, nga i cili, sipas tij, varen dhjetëra mijëra përfitues.

Petkoviq, në një postim në rrjetin social "X", thekson se kryeministri i Kosovës në mandat teknik, Albin Kurti, synon dëbimin e popullit serb dhe nxitjen e konflikteve.

Ai ka pyetur gjithashtu se ku janë në këtë moment zyrtarët e Bashkimit Evropian dhe çfarë po bëjnë.

“Është në zhvillim aksioni i policëve të Kurtit në institucion prej të cilit varen dhjetëra e dhjetëra mijëra qytetarë. Kurti dëshiron dëbimin e popullit serb dhe nxitjen e konflikteve. Zyrtarë të BE-së, ku jeni dhe çfarë po bëni në këtë moment?”, ka shkruar Petkoviq.