Petkoviq: Nuk ka pasur asnjë kidnapim, Kurti dhe Gërvalla gënjejnë, serbët e arrestuar janë rrahur

Drejtori i Zyrës për Kosovë dhe Metohi, Petar Petkoviq, ka theksuar sot se të gjithë serbët e arrestuar padrejtësisht, veç njërit, janë keqtrajtuar dhe rrahur rëndë nga policia kosovare, ndërsa policët e Prishtinës, të arrestuar në Serbinë qendrore, trajtoheshin sipas rregulloreve.

“Sot, zyrtari ndërlidhës serb Dejan Paviçeviq ka vizituar serbët e arrestuar padrejtësisht të cilët ndodhen në qendrat e paraburgimit në Podujevë dhe Gjilan. Ai ka vizituar Radosh Petroviqin në Gjilan dhe Millun Millenkoviqin Llunen, Nemanja Vlashkoviqin, Dallibor Spasiqin, por edhe Millovan Bozhoviqin, të cilët janë të paraburgosur në Podujevë. Ajo që na tha Paviçeviq, meqë po shkon për në Beograd, është se të gjithë serbët e arrestuar kanë të përbashkët se të gjithë janë keqtrajtuar dhe rrahur rëndë nga policia kosovare, sidomos gjatë arrestimit dhe dërgimit në qendrat e paraburgimit”, tha Petkoviq në një konferencë për shtyp.

Disa prej tyre kanë pësuar lëndime të rënda, veçanërisht Dushan Obrenoviqi dhe Millenkoviqi, shtoi ai.

“Edhe tani, dhe ka kaluar shumë që nga arrestimi i të gjithë këtyre serbëve, lëndimet e tyre janë ende të dukshme, veçanërisht në rastin e Llunetit dhe Obrenoviqit. Paviçeviq na tha se Milenkoviqi kishte qepje në kokë, mavijosje nën sy, gjurmë të dukshme, të rrahjeve, si dhe se ai vetë ka dëshmuar se gjatë marrjes në pyetje është rrahur duke qenë ulur i lidhur. Madje mjekët i kërkuan që të shkonte për një skanim të kokës. Vetë videoja e arrestimit tregon se oficeri special e godet me kondak në kokë”, ka theksuar Petkoviq.

Ai shtoi se janë mirë, por me plagë të përhershme, për të mos folur për torturat psikologjike.

“Posaçërisht dua të theksoj se është i qartë trajtimi dhe sjellja e policisë kosovare ndaj serbëve të arrestuar, në secilin prej tyre kanë vrarë Zotin, për dallim nga policët e arrestuar të Prishtinës, ku policia jonë ka vepruar në përputhje me rregulloret dhe ligjin. Askush nuk është keqtrajtuar apo rrahur dhe këtë e ka konfirmuar zyrtari ndërlidhës i Prishtinës, i cili ka pasur rastin t'i vizitojë sot dhe të shohë në çfarë kushtesh mbahen”, tha ai.

Petkoviq tha se policët e Kosovës mbahen në paraburgim në kushte të shkëlqyera, se secili ka dhomën e vet, ka diçka për të ngrënë, për të pirë, marrin lëngje, fruta, ëmbëlsira, gjithçka që dëshironin ata morën.

“Ky është trajtimi i policëve të arrestuar të Prishtinës, të cilët kanë hyrë të armatosur deri në dhëmbë në territorin e Serbisë qendrore. Nga ana tjetër, serbët lëngojnë në kazamatet vetëm pse janë serbë, dhe pse thjesht kundërshtuan dhunën e ushtruar ndaj serbëve nga Prishtina dhe Albin Kurti. Gjithçka që thanë në konferencën për media Kurtit dhe Donika Gërvalla, duke folur për gjoja kidnapimin e policëve kosovarë, është gënjeshtër e plotë. Nuk ka pasur asnjë rrëmbim”, shtoi ai.

Petkoviq po ashtu theksoi se është në dorë të organeve kompetente që të hetojnë rastin ndaj policëve të arrestuar kosovarë, të cilët, thotë ai, me armë automatike lëviznin në skajet e pyllit, thellë në territorin e Serbisë qendrore, por është e qartë se autoritetet kompetente serbe i kanë trajtuar në mënyrë profesionale dhe në përputhje me të gjitha normat.

“Ata janë në gjendje më shumë se të mirë, këtë e ka konfirmuar zyrtari ndërlidhës dhe kryetari i Sindikatës së Policisë në Prishtinë, të cilët kanë thënë se janë mirë. Ai po ashtu tha se në ngjarjet e 29 majit janë lënduar lehtë shtatë policë, se të gjithë janë mirë dhe janë kthyer në punë. Dhe, askush nuk i përmend serbët që u plagosën po atë ditë, 52 prej tyre. As çfarë po ndodh me Dragisha Galakun, i cili është në Beograd në ortopedi, në pritje të operacionit, sepse i është thyer legeni, dhe pyetja është se a do të mund të ecë”, ka theksuar Petkoviq.

Duke kujtuar se Galaku është qëlluar nga prapa, me dy plumba, ka deklaruar se edhe sot nuk ka asnjë të suspenduar nga policia kosovare, lëre më të dënohen apo të ndiqen rëndë.

“Asnjë shqiptar, as një polic, as një qytetar nuk është lënduar gjatë gjithë kësaj kohe dhe në të njëjtën kohë kemi të armatosur policët e Kosovës që po pushtojnë. Kemi serbë duarzbathur që mbrojnë vetëm të drejtën e tyre për të mbijetuar dhe jetuar në paqe, të cilët arrestojnë dhe sundojnë mbi të gjithë në Kosovë dhe Metohi, duke rrahur brutalisht serbët”, nënvizoi Petkoviq.

Kur është fjala për lokacionin ku janë arrestuar policët e Kosovës, ai po ashtu ka thënë se KFOR-i ka mohuar Kurtin dhe Gërvallën, dhe se ky Mision në një deklaratë të datës 16 qershor ka thënë se nuk është e qartë se ku ka ndodhur arrestimi.

Ai deklaroi se Prishtina po përdor vetëm propagandë, për të denigruar serbët në Kosovë, për t'i shpallur popull kriminel, polici fashiste.

Pse e gjithë kjo, kur dihet mirë se Kurti është ai që trashëgon ideologjinë fashiste”, ka thënë Petkoviq.

Ai shtoi se raporti i oficerit ndërlidhës të Beogradit do të përgatitet dhe do t'u dorëzohet të gjitha organizatave dhe përfaqësuesve relevantë ndërkombëtarë që merren me këtë çështje.

“Dhe kur flasim për kidnapim, i vetmi që u rrëmbye ishte Urosh Vukashinoviq, punonjës i Telekomit nga Leposaviqi, i cili u arrestua në një veturë civile, nga një pjesëtar i policisë ROSU me rroba civile. Ata e kanë tërhequr zvarrë në një mjet pasagjerësh dhe e kanë çuar në drejtim të panjohur. Ata duan t'i arrestojnë të gjithë serbët se po i rezistojnë terrorit të Albin Kurtit që do të pushtojë gjithë veriun, prandaj po e rrahin popullin tonë. Policia kosovare është në veri për të zbatuar planin dhe filozofinë e ‘Lidhjes së Prizrenit’ për Kosovën dhe Metohinë etnikisht të pastër”, ka thënë Petkoviq.

Petkoviq tha se bashkësia ndërkombëtare po hesht, ashtu siç nuk foli për të dënuar sulmin ndaj fëmijëve serbë në ditën para Krishtlindjes.

“Asnjë nga ata që qëlluan gjashtë serbët që nga fillimi i vitit nuk është në burg, por për këtë kemi gjashtë serbë të cilët janë arrestuar pafajësisht dhe pa arsye nga Prishtina dhe janë në kazamat”, ka nënvizuar ai.

Ai tha se është e rëndësishme që oficeri ndërlidhës ka arritur që falë ndërhyrjeve të shumta të Serbisë dhe presidentit Aleksandar Vuçiq të marrë leje për t'i vizituar. I vetmi që nuk e vizitoi ishte Urosh Vukashinoviq, pasi siç ka shpjeguar, ai është nën ndalim policor për 48 orë.

"Por ne do të kërkojmë që edhe Paviceviq ta vizitojë atë. Ne kërkojmë urgjentisht lirimin e të gjithë serbëve të arrestuar. Kjo është mënyra e vetme për të ecur përpara. Dhe pastaj për tërheqjen e kryebashkiakëve të rremë, forcat speciale ROSU nga veriu, se mund të shkojmë në drejtim të normalizimit në përgjithësi. Gjithçka që bën Kurti është në kundërshtim me dialogun dhe normalizimin dhe nuk çon në deeskalimin”, shpjegoi Petkoviq.

Fakti që serbët u rrahën aq brutalisht tregon qartë se qëllimi i Kurtit është të shkojë në drejtim të përshkallëzimit të mëtejshëm, nënvizon ai.

Arrestimet e reja të shpallura në Prishtinë tregojnë, shton ai, se Kurti dëshiron të merret vetëm me serbët e mbetur, sepse e pengon që atdheun e tyre e shohin në Serbi dhe presidentin Vuçiq dhe se duan të luftojnë për liri.

“Ne do të luftojmë për atë liri së bashku dhe mbi të gjitha për të çliruar heronjtë tanë, gjashtë serbët që u keqtrajtuan, u rrahën, u plagosën, kanë plagët e dukshme, që është një tregues i qartë se si Prishtina i ka trajtuar ata”, tha ai.

Ai iu referua edhe pretendimeve të Gërvallës se policët e Kosovës nuk keqtrajtohen, por se nuk ushqehen sa duhet.

"Kanë marrë më shumë se sa kanë në tavolinën e tyre kur janë në shtëpi. Kaq për hipokrizi", nënvizoi Petkoviq.

Ai ka theksuar se Ministria e Punëve të Brendshme e Serbisë iu përgjigj kërkesës së EULEX-it, i cili nuk po ndërmerr asnjë hap për lirimin e serbëve.

“MPB iu përgjigj të gjitha pikave të kërkesës dhe po ashtu shprehu gatishmërinë e saj për të ofruar të gjitha provat e mundshme, dhe për të marrë pjesë në hetim. Është thënë qartë se EULEX-i mund t'i sjellë të gjitha makinat e tij për ekzaminim poligrafik, për të përcaktuar saktësisht se çfarë ka ndodhur. Policët tanë nuk e kaluan vijën administrative as për një hap. Kurti mashtron dhe gënjen gjatë gjithë kohës. Kur silleni me përgjegjësi, ofroni të gjitha provat dhe thoni se jeni gati për çdo bashkëpunim, kjo tregon qartë se ndërgjegjja juaj është e pastër, dhe ai që gënjen, që përpiqet gjatë gjithë kohës të shpifë Beogradin dhe popullin serb në Kosovë, është Kurti”, nënvizoi Petkoviq.