Petkoviq: Tre pjesëtarë të policisë së Kurtit u arrestuan thellë në territorin e Serbisë qendrore

Drejtori i Zyrës për Kosovën, Petar Petkoviq, i është drejtuar publikut lidhur me arrestimin e tre pjesëtarëve të Policisë Speciale të Kosovës, të cilët u arrestuan sot në territorin e Serbisë qendrore.

Petkoviq tha se tre pjesëtarë të policisë speciale të Kurtit janë arrestuar sot në orën 12:38 në rajonin e fshatit Gnjillicë të rajonit të Rashkës. Ai tregoi se tre të arrestuarit ishin të armatosur deri në dhëmbë dhe tha se inicialet e tyre ishin R. Z., B. S. dhe M. SH.

“Kjo bandë terroriste është arrestuar thellë në territorin e Serbisë qendrore në zonën e fshatit Gnjillicë në komunën e Rashkës. Pjesëtarët e forcave tona policore nuk kanë hyrë në territorin e Kosovës dhe Metohisë dhe nuk kanë shkelur as Rezolutën 1244 të Këshillit të Sigurimit të Kombeve të Bashkuara dhe as Marrëveshjen Ushtarako-Teknike, sepse nuk e kaluan vijën administrative. Ata që i kanë shkelur këto marrëveshje ndërkombëtare janë pikërisht këta terroristë shqiptarë, pjesëtarë të policisë së Kosovës”, tha Petkoviq.

Ai shtoi se Serbia është e gatshme të ofrojë të gjitha provat dhe të hapë, nëse është e nevojshme, një hetim ndërkombëtar në të cilin amerikanët dhe britanikët do të dorëzojnë pamjet e tyre satelitore, ku siç tha ai, shihet qartë se “policia serbe nuk ka kalojnë vijën administrative qoftë edhe një milimetër”.

Ai tha se falë reagimit të shpejtë dhe efikas të policisë serbe, “këta terroristë shqiptarë u penguan qartë të kryejnë një krim të rrezikshëm”.

“Në dallim nga propaganda e përhapur nga Prishtina, veçanërisht ministri i rrejshëm Sveçla, i cili thotë se këta terroristë janë rrëmbyer. Jo, ata nuk janë rrëmbyer, janë arrestuar sepse janë gjetur thellë në territorin e Serbisë qendrore. Ata që janë rrëmbyer janë serbë duarzbathur të cilët janë rrëmbyer nga policia e Kosovës, Dushan Obrenoviq, Radosh Petroviq dhe Millun Millenkoviq Llune, të cilët janë arrestuar nga policia e Kosovës”, tha Petkoviq.

Ai pyeti se çfarë kërkonin terroristët shqiptarë me armë tytëgjata, automatikë, harta, pajisje navigimi dhe pajisje të tjera vëzhgimi, thellë në territorin e Serbisë qendrore edhe në pyll.

"Çka kërkojnë atje? Cili ishte plani për ardhjen e tyre dhe kalimin e vijës administrative? Këtë do ta konstatojë hetimi, policia jonë dhe të gjitha organet tjera kompetente do t'i japin të gjitha rezultatet e këtij hetimi", tha Petkoviq.

Ai gjithashtu theksoi se autoritetet tona kompetente do të veprojnë sipas ligjit dhe se të arrestuarit nuk do të torturohen apo rrahen, asgjë si ajo që ndodhi me Llunetin dhe dy serbët e tjerë që u arrestuan. Ai deklaroi se Radoshi, e sidomos Dushani, janë rrahur. Ai ka treguar gjithashtu se Lune e arrestuar e kanë rrahur në sy të vajzës së tij të vogël.

“Kështu vepron policia e Kosovës, kështu sillet me njerëzit e pafajshëm që nuk kanë bërë asgjë. Dhe tani shohim këtë shembull të terroristëve, pjesëtarëve të policisë speciale të Kurtit, që kalojnë vijën administrative me armë tytëgjata, me mjete të plota ushtarake, kryejnë një krim të rëndë dhe vijnë në territorin e Serbisë qendrore, padyshim me një qëllim të rrezikshëm”, tha Petkoviq.

Ai paralajmëroi se Kurti po bën çdo ditë për të krijuar konflikte. Ai ka nevojë vetëm për konflikte, krijon kriza dita-ditës, dëshiron të detyrojë popullin serb të veprojë në mënyrë të tepruar, sepse kjo është ajo që i duhet Kurtit - konflikte, konflikte dhe vetëm konflikte. Ideja e politikës së tij është një Kosovë etnikisht e pastër dhe dëbimi i serbëve nga territori i Kosovës dhe Metohisë”, ka thënë Petkoviq, duke shtuar se serbët nuk do të tolerojnë më që ata që janë të pafajshëm të arrestohen, keqtrajtohen dhe burgosen nga Prishtina vetëm pse janë serbë, se e duan vendin e tyre Serbinë dhe se luftojnë për interesat dhe të drejtat kombëtare serbe në veri të Kosovës dhe Metohisë.