Petkoviq për të shtënat në Ugljarë: Tashmë sulmi i 331-të ndaj komunitetit serb, Kurti dëshiron të provokojë reagimin e popullit tonë në Kosovë e Metohi

Drejtori i Zyrës për Kosovë e Metohi, Petar Petkoviq, ka theksuar se fëmijët të cilët mbrëmë u qëlluan nga sulmues të panjohur nga një veturë në lëvizje në oborrin e shkollës fillore në Ugljarë, nuk janë lënduar vetëm nga fati.

Petkoviq ka deklaruar për Televizionin Pink se në momentin e të shtënave në oborrin e shkollës ndodheshin tre fëmijë të moshës 13, 15 dhe 17 vjeçare dhe se vetura nga e cila janë shkrepur të shtënat është drejtuar në drejtim të Preocit.

“Ky është tashmë sulmi i 331-të ndaj mjedisit serb, ndaj njerëzve tanë që jetojnë në Kosovë e Metohi, kjo më së miri flet për gjendjen në të cilën jetojnë sot serbët dhe të gjithë joshqiptarët që janë me shtetin e Serbisë. Prandaj dialogu është e rëndësishme për ne, ne insistojmë gjatë gjithë kohës në atë, për të shpëtuar jetën e njerëzve. Në Kosovë e Metohi duhet vetëm një shkëndijë që gjërat të shkojnë në kah negativ”, tha Petkoviq.

Siç ka thënë ai, Kryeministri i Kosovës, Albin Kurti, dëshiron të provokojë reagimin e serbëve në Kosovë dhe një krizë të re me incidente të përditshme, për të shmangur formimin e BKS-së.

"Albin Kurti e di këtë dhe e përdor duke shkaktuar incidente të reja çdo ditë, duke dashur të prodhojë një reagim të pamatur të popullit në Kosovë e Metohi. Sepse ai e di se çfarëdo krize që të shpërthejë, veçanërisht në veri të Kosovës e Metohisë, Perëndimi gjithmonë do të fajësojë Serbinë dhe presidentit Aleksandër Vuçiq. Është absolutisht e vërtetë, se Vuçiq është nën presion të dyfishtë. Nga njëra anë nga bashkësia ndërkombëtare, në anën tjetër nga njerëzit tanë që jetojnë në Kosovë e Metohi dhe presin një reagim më të fortë nga shteti Serbi. Ne po bëjmë gjithçka për të ruajtur paqen, pikërisht për shkak të popullit tonë në Kosovë e Metohi. Kurti dëshiron të provokojë reagime, që populli ynë të rebelohet dhe ta shtyjë Serbinë në konflikt me ndërkombëtarët. Kjo është ideja e tij sepse kriza është mënyra e vetme për të shmangur detyrimin për formimin e BKS-së”, tha Petkoviq.