Radakoviq: Në rast të mbylljes së MTS, serbët në veri do të mbeten në errësirë mediatike

Dushan Radakoviq nga Qendra për Përfaqësimin e Kulturës Demokratike, me rastin e heqjes së certifikatës së regjistrimit nga autoritetet e Prishtinës të kompanisë MTS d.o.o., thekson se nëse interneti dhe ofruesit e kabllove nuk funksionojnë, serbët në veri të Kosovës do mbeten në errësirën mediatike, raporton RTS.

Radakoviq tha se qytetarët në veri nuk do të kenë alternativë tjetër, sepse të gjithë përdorin rrjetin MTS.

Ai tha se kjo është një formë e presionit ndaj serbëve nga Kosova dhe një përpjekje për të shkatërruar plotësisht Marrëveshjen e Brukselit.

“Ne e dimë se 99.9 për qind e njerëzve përdorin MTS dhe nuk do të kenë alternativë tjetër për komunikim celular, internet apo televizion. Kam frikë se kjo është një përpjekje për të shkatërruar plotësisht Marrëveshjen e Brukselit, por gjithashtu një fakt i rëndësishëm është se përmes kësaj marrëveshjeje i është dhënë prefiksi 383 për Kosovën. Pra, a do të ketë efekt, nëse MTS d.o.o. tashmë po mbyllet, por padyshim që ka një presion të madh politik mbi serbët”, shtoi Radakoviq.

Radakoviq shprehu shpresën se do të gjendet një alternativë.

“Do të jetë padyshim një problem i madh, do të ketë represion të madh të popullatës serbe nëse MTS-i po mbyllet”, paralajmëroi Radakoviq.