Synimi i Prishtinës për të shfuqizuar certifikatën e MTS-it është shkelje e rëndë e të gjitha ligjeve

Pasi në opinion dolën informacionet e fundit se synimi i Prishtinës është që të shfuqizojë certifikatën e regjistrimit të kompanisë MTS d.o.o. absolutisht në mënyrë të kundërligjshme dhe në kundërshtim me të gjitha procedurat, Kosovo online e ka trajtuar këtë temë në detaje për të informuar opinionin për fakte plotësisht të sakta që mund të verifikohen shumë lehtë dhe thjesht.

Ne kontrolluam me autoritetet në kompaninë MTS d.o.o., e cila, si kompani bijë e Telekom Serbia, e kryen biznesin e saj absolutisht dhe plotësisht në përputhje me rregulloret e Prishtinës dhe kërkuam që të komentojnë këto pretendime. Gjegjësisht, në ekstraktet nga regjistri për MTS d.o.o. në asnjë dokument nuk përmendet "Kosovska Mitrovica, Republika Srbija", në fakt askund nuk shkruhet "Republika Srbija".

Për më tepër, kompania është themeluar plotësisht në mënyrë legjitime në përputhje me Marrëveshjen e ratifikuar të Brukselit nga Prishtina, sipas rregulloreve lokale dhe duke përdorur dokumente të lëshuara nga Prishtina (të gjitha këto mund të shihen nga ekstraktet e regjistrit). Dokumentacioni i plotë është plotësisht në përputhje me rregulloret e Prishtinës, si dhe të gjitha dokumentet personale të përfaqësuesve ligjorë.

Egzistenca e supozuar e pasaportës serbe në arkivat e gjendjes civile citohet si dokumenti i vetëm i kontestuar, që gjoja thotë Kosovska Mitrovica, Republika Srbija. Gjoja, sepse vendimi i fshirjes thotë vetëm se:

“Ministria e Industrisë, Ndërmarrësisë dhe Tregtisë (MINT) me Vendimin e saj nr. 4009/02 të datës 06.07.2023 themeloi Komisionin për ri-verifikimin e dosjeve të Agjencisë për Regjistrat e Bizneseve të Kosovës (ARBK).

Bazuar në raportin e Komisionit nr. 4427/02 datë 21.07.2023, duket se në dosjen e MTS d.o.o. MB:81164029, gjendet dokumenti/pasaporta nr. nr.008526874 lëshuar nga autoritetet e Republikës së Serbisë Zoran Milojeviqit (përfaqësues I autorizuar), ku në rubrikën 'vendi i lindjes' është shkruar 'Kosovska Mitrovica, Republika Srbija' “.

Ky informacion për pasaportën nuk figuron në asnjë ekstrakt zyrtar apo dokument tjetër identifikues të regjistrit të MTS d.o.o., por vetëm letërnjoftimi i Zoran Millojeviqit i lëshuar nga Prishtina është i bashkangjitur dhe i paraqitur gjithandej. Që nga dorëzimi i dokumentacionit në regjistër, që nga themelimi e tutje, në arkiv nuk ka asnjë informacion se pasaporta e Zoran Millojeviqit është përdorur ndonjëherë.

Madje, sipas informacioneve të Zoran Millojeviqit, atij asnjëherë nuk i është lëshuar pasaporta me këtë numër rendor 008526874, as e vlefshme dhe as e skaduar. Edhe nëse një kopje e një pasaporte është dorëzuar ndonjëherë (dhe me sa dihet, ajo nuk ekziston), nga të gjitha dokumentet, përfshirë vetë vendimin, nuk është aspak e qartë pse ajo pasaportë do të ishte juridikisht e rëndësishme, kur ajo nuk përdoret për asnjë dokument regjistrimi.

Për më tepër, edhe nëse ndonjë nga këto është relevante, dhe nuk është, është e paqartë se si "vendlindja" mund të ofendojë Kushtetutën dhe rendin publik të Kosovës, kur në kohën kur Zoran Millojeviqi lindi në vitin 1968. ishte Republika e Serbisë, ashtu si pothuajse të gjithë qytetarët nga ish-Jugosllavia, dokumentet tregojnë RSFJ-në si vendlindje.

Nëse bëhet fjalë për vendbanimin aktual, si të dhëna ‘aktuale’, atëherë ka vend për diskutim, por këtu nuk është kështu. Përveç vendimit në fjalë, nuk ka akses në raportin e sipërpërmendur të Komisionit të MINT-së nr. 4427/02, as vetë dokumentet e pretenduara, të cilat janë përdorur si prova të pretenduara.

Një temë më vete është se, nisur nga të gjitha sa më sipër, është krejtësisht e paqartë sesi vendlindja, që është fakt historik, mund të ketë pasoja juridike, qoftë edhe për fshirjen e përfaqësuesit ligjor, e lëre më likuidimin e të gjithë shoqërisë.

Në vendimin e fshirjes thuhet se emri i përdorur për vendlindjen dhe vendin e tij është shkelje e normave të supozuara kushtetuese dhe gjithashtu dyshohet se përbën një kërcënim serioz për sigurinë publike. Kjo është arsyeja pse është paraqitur një kërkesë për marrjen e informacionit me rëndësi publike për të marrë një kopje të pasaportës së pretenduar.

Kosovo online ka ardhur në posedim të dokumenteve zyrtare të cilat vërtetojnë pretendimet e sipërpërmendura.