Rakiq: E keqja që ka rënë mbi ne është e tmerrshme, nuk ka tërheqje të barrikadave derisa të plotësohen kushtet tona

Terrori që pësojmë çdo ditë, listat sekrete, arrestimet dhe keqtrajtimi i forcave speciale të Albin Kurtit janë arsyeja e tubimit të sotëm. Duam të themi se duam paqe dhe liri, por edhe se nuk mund të heshtim ndaj padrejtësive, ndaj rrahjes së popullit tonë, të pranojmë që të zhdukemi në heshtje nga vendi ynë, tha sot në Rudar, Kryetar i Listës Serbe, Goran Rakiq.

"Populli ynë serb, boshnjak, goran, të cilët për dy javë me shi dhe borë e mbrojnë të drejtën e tyre për të ekzistuar në këto zona, faleminderit, faleminderit që jeni çdo ditë këtu, faleminderit për mirëkuptimin që u detyruam të ndërmerrni këtë hap, faleminderit që keni duruar dhe porositur se nuk ka dorëzim”, tha Rakiq.

Pavarësisht se sa forca na kërcënon, jetët e fëmijëve tanë dhe mbijetesa jonë në këto zona janë arsyeja që ne qëndrojmë derisa të plotësohen kërkesat tona, shtoi Rakiq.

"Sot vëllezërit tanë nga e gjithë Kosova janë me ne dhe kur jemi të bashkuar dhe unik, zëri ynë dëgjohet më mirë në Prishtinë, Bruksel dhe në Berlin e Uashington. Të parët tanë na e hapën rrugën, kudo. Qofshin veprat tona të tillë që të parët tanë të mos turpërohen dhe pasardhësit të jenë krenarë”.

Rakiq theksoi se “e keqja që ka rënë mbi ne është e tmerrshme”.

“Terrori që pësojmë çdo ditë, listat sekrete, arrestimet dhe keqtrajtimi i forcave speciale të Kurtit janë arsyeja e tubimit të sotëm, ku duam të themi se duam paqe dhe liri. Duke pasur parasysh se barrikadat shqetësojnë komunitetin ndërkombëtar por nuk i shqetëson keqtrajtimi i serbëve, dua të them se ne jemi në tokën tonë, se nuk mund të heshtim ndaj padrejtësive, ndaj rrahjes së popullit tonë, të pranojmë të zhdukemi në heshtje nga vendi ynë”, tha Rakiq.

Kryetari i Listës Serbe gjithashtu porositi si vijon.

"Zotërinj përfaqësues ndërkombëtarë, më vjen keq që nuk mund të qëndrojmë në vend derisa po na shkelin. Që lotët e fëmijëve tanë e prishin imazhin idilik të Kosovës demokratike. E di që e dini, por e përsëris se zgjidhja ndaj kësaj krize është në Prishtinë”, tha Rakiq.

Kreu i Listës Serbe me këtë rast ka përsëritur kushtet që duhet të plotësohen për të hequr barrikadat.

“Duhet të lirohen Milan Axhiq dhe Dejan Pantiq, duhet të tërhiqen listat sekrete për arrestimin dhe vrasjen e serbëve, të cilat i referohen pjesëmarrjes në protestat e qytetarëve nga shtatori i vitit të kaluar e deri më sot, dhe që Kurti të tërheqë policinë nga veri të Kosovës, të gjitha njësitë me arma të gjata, pa plotësuar këto kushte, nuk do të ketë tërheqje të barrikadave, sepse jemi lodhur duke pritur që njëri prej nesh të jetë i radhës”, tha Rakiq.

Rakiq bëri thirrje për unitet dhe harmoni nga tubim.

“Le të luftojmë në mënyrë demokratike për të drejtat e qytetarëve tanë, sepse nga këtu nuk ka më kthim”.