Rakiq: Kurti sugjeron vrasjen e serbëve, receta për heqjen e barrikadave është e thjeshtë

Anëtari i Shtabit të Krizave, Goran Rakiq, ka thënë se Kryeministri i Kosovës Albin Kurti haptazi propozon vrasjen e serbëve në barrikada dhe ka porositur se barrikadat do të hiqen kur të lirohen serbët e arrestuar, të largohen njësitë speciale të Policisë së Kosovës nga veriu i Kosovës dhe listat për vrasjen e serbëve hiqen.

Rakiq theksoi se Prishtina tregon se nuk i respekton marrëveshjet, si dhe të drejtat e popullit serb në Kosovë.

"Narativa antiserbe e Prishtinës vazhdon për muajt dhe populli ynë e ka ndjerë në lëkurën e vet se sa shumë i intereson Prishtina respektimit të të drejtave të popullit tonë dhe marrëveshjeve të nënshkruara. Deklarata e fundit të Albin Kurtit ka tejkaluar çdo masë. Kurti haptazi sugjeron vrasjen e serbëve në barrikada, sepse sipas tij, barrikadat nuk mund t'i heq në asnjë mënyrë tjetër”, tha Rakiq.

Siç ka thënë ai, thirrja e Kurtit ka kaluar pa reagim nga përfaqësuesit ndërkombëtarë.

"Ai po bën thirrje për vrasjen e nënave tona, motrave tona, punëtorëve, mjekëve dhe profesorëve tanë që luftojnë ditë e natë paqësisht kundër terrorit të tij. Fatkeqësisht, ky kërcënim shkon pa përgjigje nga përfaqësuesit ndërkombëtarë, gjë që është e papranueshme", shtoi Rakiq.

Sipas tij, receta për heqjen e barrikadave është e thjeshtë.

“Lirimi i të gjithë serbëve të arrestuar, tërheqja e të gjitha njësive nga veriu i Kosovës e Metohisë, heqja e të gjitha listave sekrete dhe listave për vrasjen e serbëve”, tha Rakiq.